Ein gwlad, ein hinsawdd, ein cydgyfrifoldeb.
Bydd yr Wythnos eleni’n cael ei chynnal yn union ar ôl COP27 (uwchgynhadledd ryngwladol nesaf ‘Cynhadledd y Partïon’ ar newid hinsawdd, yn yr Aifft rhwng 6 a 18 Tachwedd 2022).
Mae Wythnos Hinsawdd Cymru 2022, 21 i 25 Tachwedd, yn gyfuniad o ddigwyddiadau rhithiol ac wyneb yn wyneb, wedi'u trefnu i rannu arfer gorau a chefnogi ymrwymiad parhaus Cymru i fynd i'r afael â'r newid yn yr hinsawdd. Mae hefyd yn gyfle i archwilio'r hyn y gallwn ni, fel unigolion, ei wneud i gyflawni sero net.
Gallwch ymuno â digwyddiad eleni ar-lein neu wyneb yn wyneb yn ein digwyddiadau ymylol a bod yn rhan o fudiad cynyddol, sydd wedi ymrwymo i wneud gwahaniaeth. Byddwch yn rhan o'r drafodaeth, dysgwch am y datblygiadau diweddaraf ac elwa ar ddealltwriaeth a phrofiad academyddion blaenllaw, arbenigwyr a chymunedau sydd eisoes yn chwarae eu rhan i ddiogelu ein hamgylchedd ac addasu i'r newidiadau y byddwn ni i gyd yn eu profi yn y dyfodol.
I gael rhagor o wybodaeth, ewch i Wythnos Hinsawdd Cymru | Hafan (gov.wales)
Byddem wrth ein bodd yn rhannu manylion Wythnos Hinsawdd Cymru â chynifer â phosibl o bobl, er mwyn i bobl a sefydliadau ledled Cymru allu cymryd rhan. I gael mwy o wybodaeth, cliciwch ar y ddolen ganlynol Wythnos Hinsawdd Cymru | Pecyn Cymorth i Randdeiliaid (gov.wales)
Mae’r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd, arddangos yr effaith gadarnhaol maent yn ei gael ar bobl a lleoedd o’u cwmpas, yn ogystal ag ymuno â chymuned gynyddol o sefydliadau blaengar sy’n helpu Cymru i bontio dyfodol carbon isel. I gael rhagor o wybodaeth ewch i Addewid Twf Gwyrdd | Busnes Cymru (gov.wales)