Cynhelir yr Wythnos Ymwybyddiaeth o Ddyslecsi rhwng 7 Hydref ac 13 Hydref 2024, ac mae’n dathlu amrywiaeth y gymuned ddyslecsig a’r amrediad cyfoethog o brofiadau bywyd o ddyslecsia.
Eleni mae Cymdeithas Dyslecsia Prydain (BDA) yn gofyn i chi rannu eich straeon eich hun am ddyslecsia yn ystod #DAW24 i godi ymwybyddiaeth o amrywiaeth profiadau byw yn y gymuned. Gall rhannu eich stori helpu i ddangos pwysigrwydd cefnogaeth ac ymyrraeth gynnar a helpu i ysbrydoli eraill trwy ddangos nad yw hi byth yn rhy hwyr i newid eich stori, gyda'r gefnogaeth gywir: What's your story - share your dyslexia story here - British Dyslexia Association (bdadyslexia.org.uk)
Mae pob person â dyslecsia yn ei brofi mewn ffyrdd sy’n unigryw iddyn nhw. Bydd gan bob un ei set ei hun o gryfderau a heriau, a bydd yn troedio ei lwybr ei hun trwy fywyd.
Amcangyfrifir bod gan 15% o’r boblogaeth ddyslecsia a/neu wahaniaethau dysgu penodol eraill (ADP), felly mae’n debygol iawn y ceir niwroamrywiaeth o fewn unrhyw weithle.
Gall niwroamrywiaeth fod yn ased sylweddol i sefydliad, gan ddod â dimensiwn gwahanol i ddatrys problemau neu greadigrwydd yn y ffordd y mae sefydliad yn gweithredu ac yn darparu ei gynnyrch a/neu ei wasanaethau.
Mae bod yn ystyriol o ddyslecsia yn gwneud synnwyr busnes da. Mae gwreiddio’r ethos hwn yn eich sefydliad yn fuddiol i bawb, gan ei fod yn galluogi eich gweithwyr i gyflawni eu potensial, ac yn cefnogi eich cwsmeriaid a chleientiaid dyslecsig ar yr un pryd.
I gael rhagor o wybodaeth am sut i gefnogi eich gweithwyr, dewiswch y ddolen ganlynol: Resources - British Dyslexia Association (bdadyslexia.org.uk)