Mae rhwydweithiau’n gallu bod yn lleoedd gwych i gael help i chi a’ch busnes. Dyma rai y gallech holi mwy amdanyn nhw.
Network She
Mae Network She yn helpu i greu cysylltiadau, agor drysau a chefnogi menywod wrth iddyn nhw a’u busnesau ddatblygu. Mae Network She yn sbarduno ac ysbrydoli ac yn cynnig cyfleoedd a hwyl i fenywod sydd am lwyddo.
Women 4 Resources
Cymorth i fenywod yng Nghymru ac Affrica sy’n wynebu caledi ariannol trwy fentrau sydd wedi’u dylunio ac yn cael eu rhedeg gan fenywod. Yr amcan yw rhoi cefnogaeth, help ymarferol ac arian i gael effaith tymor hir.
Superwoman
Grŵp rhwydweithio ar gyfer menywod busnes yn Ne Cymru yw Superwoman, sy’n trefnu digwyddiadau ac yn codi arian ar gyfer elusennau.
Abergavenny Ladies Business Association
Grŵp o fenywod proffesiynol a pherchenogion busnes o’r Fenni a’r cylch, sy’n cwrdd unwaith y mis i rannu profiadau a gwybodaeth ddefnyddiol; i greu cysylltiadau, i gyfnewid syniadau ac i gynnig cymorth cyfeillgar.
WEN Wales
Rhwydwaith proffesiynol cefnogol; cyfnewid gwybodaeth; digwyddiadau a gweithgareddau; rhwydweithio. Maen nhw’n edrych ar bynciau llosg menywod mewn busnes ac yn uno ac yn adeiladu’r sector menywod yng Nghymru. Maen nhw’n gweithio i sicrhau bod penderfynwyr yng Nghymru, y DU a ledled y byd yn gwrando ar leisiau menywod a merched.
Spring
Mudiad di-elw yw Spring sy’n cael ei redeg gan bwyllgor o wirfoddolwyr brwd. Mae’n cysylltu menywod busnes sydd am fanteisio ar sgiliau a phrofiadau ei gilydd. Mae’n helpu i gryfhau busnesau a chysylltiadau personol mewn awyrgylch o gydweithio.
Clwb Busnes i Fenywod – Busnesau Menywod Caerdydd
Cysylltu, cefnogi a rhoi pŵer i fenywod busnes trwy rwydwaith cenedlaethol o giniawau busnes a grwpiau arbenigwyr.
Canolfan Fenywod y Gogledd
Meithrin a hybu datblygiad cymdeithasol ac economaidd menywod yn y gymuned.
Siambrau Masnach
Mudiadau sy’n cael eu rhedeg gan eu haelodau yw Siambrau Masnach sy’n cynnig help o bob math i’w haelodau gan gynnwys rhwydweithio â busnesau eraill a rhannu cyfleoedd, cyngor a gwybodaeth.
