Mae’r rhaglen teithiau masnach tramor Llywodraeth Cymru wedi cefnogi cwmnïau o Gymru i gynnal busnes ar draws y byd. Mae’r daith fasnach ddiweddar i Gynhadledd ar gyfer Datblygwyr Gemau yn San Francisco, a fynychwyd gan y nifer uchaf erioed o fusnesau o Gymru, yn un enghraifft o hyn. Dywedodd Gweinidog yr Economi, Vaughan Gething, a aeth ar y daith hefyd:
"Yng Nghymru, rydym o ddifrif am ein gemau a thechnoleg gemau. Rydym yn cefnogi cymuned lewyrchus o fusnesau arloesol, sy’n gwneud y gorau o ddoniau lleol i sicrhau llwyddiant rhyngwladol.
"Mae’r sector hwn yn rhan bwysig o’n diwydiannau creadigol ac yn cynnig swyddi cynaliadwy â chyflogau da. Dyna pam ein bod yn rhoi’r gefnogaeth i ddatblygwyr gemau sydd ei hangen arnynt i droi ffrwyth eu hawen yn realiti ac i gynyddu eu potensial mewn sector sy’n newid yn gyflym. Mae hynny’n cynnwys sicrhau bod y sector yn cael y bobl dalentog a galluog sydd ei angen arno i dyfu a ffynnu.
"Gyda phobl o bob rhan o’r byd yn bresennol, roedd y digwyddiad yn gyfle heb ei ail i fusnesau o Gymru hyrwyddo’u hunain a chyda Cymru Greadigol, i ddangos i fuddsoddwyr yr hyn sydd gan Gymru i’w gynnig.”
Dros y 12 mis nesaf, bydd Llywodraeth Cymru yn darparu 15 o deithiau tramor eraill gan ddechrau gyda’r pedair isod. Cliciwch ar y dolenni i gael rhagor o wybodaeth a gwneud cais:
Ymweliad â Marchnad Allforio Qatar
13 Mai i 19 Mai 2023
Confensiwn Rhyngwladol BIO / Ymweliad â Marchnad Allforio Boston
4 Mehefin i 9 Mehefin 2023
Money 20/20
5 Mehefin i 9 Mehefin 2023
Sioe Awyr Paris
19 Mehefin i 25 Mehefin 2023
I weld beth arall sydd ar y gweill, ewch i’n tudalen Digwyddiadau Tramor Busnes Cymru.
Mae’r digwyddiadau hyn hefyd yn ategu ein Rhaglen Clwstwr Allforio, sydd wedi gweld aelodaeth yn tyfu i dros 190 o gwmnïau ar draws pum sector blaenoriaeth:
- Technoleg Feddygol a Diagnosteg
- Technoleg
- Cynhyrchion Defnyddwyr
- Ynni Adnewyddadwy ac Ynni Glân
- Gweithgynhyrchu Uchel ei Werth
Os hoffech fod yn rhan o’r Rhaglen Clwstwr Allforio ac elwa ar ystod o gymorth, canllawiau a chyngor, cysylltwch â ni i drafod ymhellach. Ffoniwch 03000 6 03000, rydym yn croesawu galwadau’n Gymraeg neu cysylltwch â ni yma.