Mae Llywodraeth Cymru wedi sefydlu cronfa i gefnogi'r sector addysg awyr agored preswyl yng Nghymru gyda dyraniad cychwynnol o £2 miliwn. Bydd y gronfa hon yn rhoi cymorth i ganolfannau cymwys ledled Cymru i dalu costau gweithredu hanfodol yn ystod y cyfnod rhwng misoedd Mehefin a Medi 2021.
Bydd y gronfa'n cynnwys uchafswm grant wedi'i gapio o £45,000 fesul ymgeisydd llwyddiannus.
Er mwyn mesur cymhwystra tebygol a'r nifer sy'n manteisio ar y gronfa, rydym yn gofyn i'r sefydliadau hynny a allai fod yn gymwys i gael cymorth ac sy'n dymuno gwneud cais, lenwi ffurflen fer datganiad o ddiddordeb. Yna bydd sefydliadau sy'n llenwi'r ffurflen yn cael eu hysbysu'n uniongyrchol pan fyddwn yn gwahodd ceisiadau ffurfiol am gyllid.
Mae sefydliadau'n cynnwys:
- Canolfannau addysg sy'n defnyddio'r awyr agored i ennyn diddordeb ac addysgu pobl ifanc.
- Canolfannau addysg awyr agored a gyflwynodd o leiaf 50% o'u profiadau preswyl addysgol i bobl ifanc cyn mis Mawrth 2020.
- Canolfannau addysg awyr agored preswyl wedi eu lleoli yng Nghymru.
- Canolfannau addysg awyr agored preswyl sy'n gweithredu yn y sector cyhoeddus (nad ydynt yn eiddo i Awdurdodau Lleol nac yn cael eu noddi ganddynt).
I gael rhagor o wybodaeth, ac i wirio eich cymhwysedd ewch i dudalen Covid-19 Cymorth i Fusnesau Busnes Cymru.