Mae cydweithio wrth wraidd Cymru’n Arloesi, ar gyfer Cymru gryfach, decach a gwyrddach. Dechreuwch eich taith at arloesi yma.
Rydym yn cydnabod pwysigrwydd cydweithredu ac mae gennym lawer o rwydweithiau, cytundebau a phartneriaethau a all eich helpu i feithrin cysylltiadau gyda sefydliadau blaengar tebyg i chi yng Nghymru, y DU ac ar draws y byd.
Cydweithredu Rhyngwladol
1) Horizon Europe yw rhaglen yr UE ar gyfer cyllido ymchwil ac arloesedd. Mae’n cefnogi partneriaid i rannu gwybodaeth a chreu technolegau.
2) Mae’r Vanguard Initiative yn cysylltu 38 o ranbarthau yn Ewrop ac yn hwyluso cydweithredu rhyngranbarthol.
3) Mae’r Enterprise Europe Network (EEN) yn helpu busnesau i arloesi a thyfu ar raddfa ryngwladol. Dyma rwydwaith cymorth mwyaf y byd ar gyfer busnesau bach a chanolig (BbaCh) ac mae ganddo uchelgeisiau rhyngwladol.
Cydweithredu o fewn y DU
1) Mae Contractau ar gyfer Arloesi yn cysylltu heriau o fewn y sector cyhoeddus gyda syniadau blaengar o’r diwydiant. Maent yn galluogi sefydliadau i ddefnyddio technoleg a datrysiadau newydd i fynd i’r afael â phroblemau o fewn y gymdeithas a hefyd yn cefnogi busnesau i ddatblygu a thyfu.
2) Asiantaeth genedlaethol y DU ar gyfer arloesedd yw Innovate UK. Mae’n cefnogi busnesau o fewn pob sector, technoleg a rhanbarth yn y DU i arloesi. Chwiliwch am gyfleoedd i gyllido’ch sefydliad yma.
3) Y Memorandwm Cyd-ddealltwriaeth yw’r cytundeb rhwng Llywodraeth Cymru ac Innovate UK ynghylch sut orau i sicrhau Arloesedd yng Nghymru.
4) Partneriaethau trosglwyddo gwybodaeth (KTP) gallai’r rhain eich helpu i elwa ar raglen gymorth ar gyfer arloesedd er mwyn helpu eich busnes i arloesi a thyfu. Bydd y cynlluniau hyn yn eich cysylltu â sefydliad academaidd neu ymchwil a pherson graddedig i’ch helpu i gyflawni eich nodau.
Cymorth Arloesi
A allai eich sefydliad elwa o Gymorth Arloesi Hyblyg? Yma gallwch ddarganfod mwy am y cyfleoedd sydd ar gael gennym.
![](/sites/maingel2/files/styles/gel2_card/public/2024-03/startup-594090_1280%20%281%29_0.jpg.webp?itok=a0wRnhrx)
Mae ein cymorth wedi helpu nifer o sefydliadau a busnesau i lwyddo. Gallwch ddarganfod mwy amdanynt a sut y bu ein cymorth o fudd iddynt.
![](/sites/maingel2/files/styles/gel2_card/public/2024-03/shutterstock_172950287.jpg.webp?itok=aFykxuc6)