Gweminarau Gweithio’n Ddoethach

Rydyn ni yma i helpu eich busnes i weithio’n ddoethach ar yr un pryd ag aros yn ddiogel ar-lein.

Os ydych chi eisiau gwella cynhyrchiant drwy weithio hybrid, neu os ydych chi eisiau treulio llai o amser ar dasgau gweinyddol llafurus, bydd ein cyfres o weminarau Gweithio’n Ddoethach am ddim yn helpu i leddfu’r pwysau a meithrin eich hyder digidol.

O rannu ffeiliau a galwadau cynadledda, i fonitro gwerthiant a chyllid, dysgwch sut gallwch chi weithio ar-lein yn rhwydd gydag offer ar-lein sydd wedi’u dylunio i’ch helpu i wneud y gorau o’r diwrnod gwaith.

Gweithio'n Gallach, Gweithio'n Fwy Diogel (hyd at 5 o weithwyr)

Os ydych chi’n rhedeg busnes bach neu newydd ar-lein, fe wnawn ni ddangos yr offer ar-lein a fydd yn eich helpu i arbed amser a chynyddu adnoddau, er mwyn i chi allu gwneud mwy gyda llai. Mae’r meysydd sy’n cael sylw yn y cwrs gweithio o bell hwn yn cynnwys:

• Sut mae rheoli eich busnes yn effeithlon ar-lein
• Adnoddau swyddfa rhad/am ddim ar gyfer cyllidebau cyfyngedig
• Sut i weithio'n fwy effeithlon ar-lein
• Ymgorffori diogelwch o’r cychwyn cyntaf i ddiogelu eich busnes

Gweld y dyddiadau ac archebu lle

Gweithio'n Gallach, Gweithio'n Fwy Diogel (5+ o weithwyr)

Os ydych chi eisiau cyfnerthu symud eich busnes ar-lein, fe wnawn ni ddangos modelau gweithio hybrid ac offer ar-lein i’ch helpu i arbed amser a meithrin gwytnwch. Mae’r meysydd sy’n cael sylw yn y cwrs gweithio hybrid hwn yn cynnwys:

• Modelau gweithio hybrid sy’n cynnig mwy o hyblygrwydd
• Adnoddau Office i'ch helpu i weithio’n gyflymach ac yn fwy effeithlon
• Sut i reoli perthnasoedd â chwsmeriaid a chyflenwyr
• Sut mae diogelu eich busnes rhag ymosodiadau seiber

Gweld y dyddiadau ac archebu lle

Seibergadernid

A yw eich busnes wedi’i amddiffyn rhag seiberdroseddu? Mae seiberdroseddu yn effeithio ar fusnesau o bob maint, ond mae camau y gallwch eu cymryd i amddiffyn eich un chi.

Gallwch gael cyngor am ddim gan arbenigwyr yng Nghanolfan Seibergadernid Cymru ac Uned Troseddau Cyfundrefnol Ranbarthol Tarian, sy’n ymuno â ni ar gyfer y digwyddiad Cadernid Seiber arbennig hwn:

•          Dysgu am y 5 colofn diogelwch
•            Beth i’w wneud os bydd eich busnes o dan fygythiad

•            Achrediad Cyber Essentials​​​                                                                                                                                                                                                                   

Gweld y dyddiadau ac archebu lle