Cyrsiau ar-lein am ddim
Os ydych chi’n anghyfarwydd â thechnoleg ddigidol, neu’n chwilio am fantais gystadleuol gan fod pawb ar-lein erbyn hyn, mae gennym sesiwn flasu 30 munud o hyd a gweminar fanwl ar eich cyfer.
Bydd y rhain yn eich helpu chi i wneud technoleg ddigidol yn rhan greiddiol o’ch busnes er mwyn sicrhau bod eich cwsmeriaid yn gallu dod o hyd i chi ac yn ymrwymo i chi. Byddant hefyd yn eich helpu i wella perfformiad. Cliciwch ar bwnc i gael rhagor o wybodaeth ac i archebu lle.
Bydd ein gweminarau Gweithio’n Ddoethach yn rhannu gwybodaeth am yr apiau swyddfa sy’n lleihau’r pwysau arnoch wrth i chi geisio rhedeg eich busnes o gartref y teulu.
Bydd ein gweminarau Hyrwyddo Eich Busnes yn dangos i chi sut mae cyfryngau cymdeithasol yn eich cadw mewn cysylltiad â’ch cwsmeriaid presennol, a dangos sut mae dod o hyd i gwsmeriaid newydd sy’n gallu cadw’r llif arian i fynd.
Bydd ein gweminarau Cystadlu Ar-lein yn dangos i chi sut mae denu cwsmeriaid newydd a sicrhau eu bod yn dod yn ôl atoch yn y byd prysur newydd hwn o werthu ar-lein.
Pwrpas ein sesiynau byw 30 munud o hyd, sydd ar gael am ddim, yw sicrhau bod gennych chi’r wybodaeth sydd ei hangen arnoch ar hyn o bryd i newid i fasnachu ar-lein.