Sut allwn ni helpu?

Cael mynediad at gyngor arbenigol

Sut ydyn ni wedi helpu?

Cael mynediad at gyngor arbenigol

Sut allwch chi gael gafael ar gefnogaeth?

Cael mynediad at gyngor arbenigol

Ymholiadau Allforio

Sut allwn ni helpu?
Sut ydyn ni wedi helpu?
Sut allwch chi gael gafael ar gefnogaeth?

Bob blwyddyn, rydym yn cefnogi cannoedd o fusnesau gyda’u taith allforio, drwy helpu i ddod o hyd i farchnadoedd newydd, nodi cyfleoedd newydd a goresgyn rhwystrau o ran logisteg / rheoliadau.

P’un a ydych chi eisiau darganfod a yw allforio yn gweddu i’ch busnes chi, neu os ydych chi wedi allforio o’r blaen ac eisiau archwilio marchnadoedd newydd, gall ein cefnogaeth helpu. Mae ein Cynghorwyr Masnach Ryngwladol ar gael ym mhob rhan o Gymru, ac mae ganddyn nhw hanes o gyflawni wrth helpu busnesau sy’n allforio.

Os ydych chi’n cynnig gwasanaethau, trwyddedau neu nwyddau, gallwn ni helpu i drawsnewid bron pob agwedd ar eich busnes drwy allforio.

Darllenwch fwy am sut rydym wedi cefnogi busnesau Cymru ar eu taith allforio

Diolch i’n tîm profiadol o Gynghorwyr Masnach Ryngwladol, mae allforwyr o Gymru wedi manteisio ar gael mwy o werthiant, mwy o elw, mwy o hyblygrwydd a gwelliant mewn creadigrwydd ac arloesedd.

Os ydych chi’n chwilio am arweiniad er mwyn datblygu’ch gwybodaeth am allforio, nodi eich rhwystrau neu gael cefnogaeth bwrpasol, rydyn ni ar gael i’ch helpu i gymryd y cam cyntaf ar eich taith allforio.

LLYFRYN ALLFORIO

Dysgu am yr holl raglenni allforio a gwasanaethau cymorth sydd ar gael i gwmnïau o Gymru sydd â diddordeb archwilio manteision allforio, neu hyrwyddo strategaeth allforio sefydledig.

Darllenwch fwy am sut rydym wedi cefnogi busnesau Cymru ar eu taith allforio

Os ydych chi’n barod i gychwyn eich taith allforio neu eisiau archwilio allforio i farchnadoedd eraill, cliciwch ar y botwm Cysylltu â ni a chwblhau’r ffurflen gysylltu, a bydd aelod o’r tîm Allforio mewn cysylltiad â chi i drafod eich gofynion allforio.

Darllenwch fwy am sut rydym wedi cefnogi busnesau Cymru ar eu taith allforio

1. Landscape - Aforza

Aforza

Aforza

Mae Aforza, y cwmni meddalwedd ddigidol o Gaerdydd, yn arbenigo mewn atebion ar sail y cwmwl ar gyfer diwydiannau nwyddau i ddefnyddwyr.

Sefydlwyd y cwmni yn 2019, ac mae’n datblygu meddalwedd sy’n helpu cwmnïau yn y sector i ddod â’u cynnyrch i’r farchnad, gan alluogi iddynt reoli eu hymgyrchoedd hyrwyddo, eu gwerthiannau a’u gwasanaethau dosbarthu gan ddefnyddio ap.

Erbyn heddiw, mae Aforza’n allforio i 26 o wledydd ar draws pedwar cyfandir, gan gynnwys Ewrop a Gogledd America, a gwerthiannau rhyngwladol sydd i gyfrif am dri chwarter o’i fusnes. Nod y cwmni yw cynyddu ei ffigurau allforio dros y pum mlynedd nesaf trwy fentro i farchnadoedd allweddol gan gynnwys America Ladin, y Dwyrain Canol a rhannau o Asia.

Ymholiadau Allforio

John Pattinson, Founder and Managing Director of Air Covers

Air Covers

Air Covers

Mae Air Covers yn Wrecsam yn arbenigo mewn dylunio a chynhyrchu gorchuddion amddiffynnol ar gyfer awyrennau, cychod a cherbydau sifil a milwrol.

Sefydlwyd Air Covers gan y pâr priod, John a Sasha Pattinson yn 2006, ac mae’r cwmni’n cyflenwi sefydliadau o’r sectorau preifat a chyhoeddus, gan gynnwys cwmnïau awyrennau masnachol, cynhyrchwyr badau hwylio moethus, y lluoedd arbennig ac asiantaethau amddiffyn. Mae’r gorchuddion yn helpu i amddiffyn awyrennau, cerbydau tir sych a badau morol rhag difrod o gyrydiad, traul tywod, lleithder, halen, gwres ac ia, gan leihau’r angen am waith cynnal-a-chadw a chynyddu eu hargaeledd trwy hynny.

Ymholiadau Allforio

Ammar Akhtar, Founder and CEO of Finalrentals

Finalrentals

Finalrentals

Platfform bwcio i logi ceir yw’r cwmni technoleg ariannol, Finalrentals ym Mhenarth. Mae’r dechnoleg yn caniatáu i ddefnyddwyr chwilio am brisiau llogi ceir gan amrywiaeth o gwmnïau mewn lleoliad penodol, a’u cymharu.

Sefydlwyd y cwmni yn 2019 ac mae nifer y staff, nifer y cleientiaid a’r refeniw gros wedi treblu dros y 12 mis diwethaf, diolch i’w strategaeth allforio.

Gwerthiannau rhyngwladol sydd i gyfrif am 100% o fasnach Finalrentals, ac mae’r cwmni’n allforio i dros 30 o wledydd yn Ewrop, Gogledd Affrica, Gogledd America, y Caribî a’r Dwyrain Canol.

Ymholiadau Allforio

Kamal Ali, Founder & CEO, My Salah Mat

My Salah Mat

My Salah Mat

Mae My Salah Mat, y cwmni o Gasnewydd sydd y tu ôl i fat gweddi rhyngweithiol cynta’r byd, wedi datblygu portffolio rhyngwladol helaeth ers ei sefydlu pedair blynedd yn ôl, ac erbyn hyn mae’n gwerthu ei gynnyrch mewn dros 25 o wledydd ar draws pedwar cyfandir.

Sylfaenydd y cwmni yw Kamal Ali, sy’n dad i ddau blentyn. Sefydlodd y busnes ar ôl sylwi bod ei fab yn cael trafferth gyda’i dechneg gweddïo. Gyda chefndir ym maes dylunio cynnyrch, aeth Kamal ati i lunio ateb i’r broblem, sef mat gweddi rhyngweithiol sy’n gweithio trwy dechnoleg cyffwrdd, sy’n dysgu’r gwahanol ystumiau Salah i’r plant, gan gynnwys ble i roi eu traed, eu pengliniau, eu dwylo a’u pen, a beth i’w ddweud yn y gwahanol ystumiau yma.

Ymholiadau Allforio

Alana Rodgers, Head of Sales, Eakin Surgical

Eakin Surgical

Eakin Surgical

Mae Eakin Surgical, cwmni gweithgynhyrchu yng Nghaerdydd, yn dylunio ac yn cynhyrchu offer llawfeddygol a dyfeisiau meddygol defnydd untro.

Mae’r cwmni, a sefydlwyd yn 2001 ac sy’n rhan o grŵp ehangach Eakin Healthcare, yn arbenigo mewn cynhyrchu offer defnydd untro ar gyfer triniaeth lawfeddygol gymhleth. Mae’r cynnyrch yn cynnig dewis untro o safon uchel yn hytrach na defnyddio offer parhaol, sy’n gallu cyfaddawdu diogelwch cleifion a deilliannau oherwydd yr anawsterau sydd ynghlwm wrth lanhau eitemau astrus.

Ymholiadau Allforio

Chris Brown, Finance Director at Makefast UK

Makefast Group

Makefast Group

Mae Makefast Group, cwmni gweithgynhyrchu o’r Drenewydd, yn dylunio ac yn adeiladu offer ar gyfer y diwydiannau morol a diogelwch, a systemau ar gyfer badau hwylio mawreddog a chychod moethus, gan gynnwys toeau haul sy’n agor, unedau cysgodlen a phlatfformau ymdrochi.

Sefydlwyd y cwmni ym 1974 gan Bill a Brenda Brown, sy’n ŵr a gwraig. Ffocws gwreiddiol y cwmni oedd cynhyrchu caledwedd diogelwch ar gyfer y diwydiant morol, gan gyflenwi rhai o gynhyrchwyr siacedi achub mwyaf y DU, gan gynnwys Sefydliad Cenedlaethol Brenhinol y Badau Achub. Yn fuan wedyn, dechreuodd ehangu ei gynnyrch i gynhyrchu eitemau gwerth uwch, ac i fentro i farchnadoedd tramor fel ffordd o ehangu’r busnes.

Ymholiadau Allforio

Laura Mallows, co-owner Mallows Beauty

Mallows Beauty

Mallows Beauty

Brand harddwch figan sy’n annog pobl i’w caru a’u derbyn eu hunain yw Mallows Beauty yng Nghaerdydd.

Sefydlwyd Mallows Beauty yn 2020, ac ers mynd yn firol ar TikTok gyda’i gynnyrch mewn pecynnau lliwgar fel y ‘Unicorn Shave Butter’ a’r ‘Pineapple Enzyme Peel Mask’ mae’r cwmni wedi denu llu o ddilynwyr.

Ymholiadau Allforio