Gallai gwella effeithlonrwydd dŵr eich busnes arbed arian i chi, a lleihau eich effaith ar yr amgylchedd.
Gellir gwneud arbedion sylweddol trwy fuddsoddi mewn arferion a thechnolegau lleihau dŵr na fydd yn costio dim neu fawr ddim i chi, a thrwy fabwysiadu dull systematig o leihau eich defnydd o ddŵr.
Trwy ddefnyddio llai o ddŵr, gall sefydliadau arbed costau cyflenwi dŵr, costau gwaredu
dŵr gwastraff, a llawer o gostau cysylltiedig eraill, fel ynni i gynhesu neu gemegau trin dŵr.
Efallai nad yw costau dŵr yn ymddangos yn sylweddol, mae gwir gost y cyflenwad dŵr a gwaredu elifiant wedi codi dros 40 y cant er 2002. Mae’r gwir gost yn sylweddol uwch na’r costau sylfaenol ar gyfer cyflenwi dŵr a gwaredu elifiant. Dylid cynnwys hefyd y ‘costau cudd’ o wresogi, pwmpio, cynnal a chadw, dibrisiant cyfalaf a thriniaeth â chemegau, yn ogystal â gwerth deunyddiau sy’n cael eu colli mewn dŵr gwastraff a chostau staff.
Bydd datblygu rhaglen effeithlonrwydd dŵr yn eich helpu i ganfod meysydd lle gellir gwneud gwelliannau parhaus. Bydd dealltwriaeth dda o’ch gweithrediadau hefyd yn eich helpu i ddod o hyd i gyfleoedd i wella eich defnydd o ynni a deunyddiau ac i ganfod rhagor o fuddiannau amgylcheddol ac economaidd.
Bydd defnyddio’r canllawiau, y taflenni ffeithiau a’r dolenni a roddir yn helpu eich busnes i wneud defnydd mwy effeithlon o adnoddau.
Canllawiau
Taflenni ffeithiau
Cliciwch yma i weld yr holl astudiaethau achos.