Arloesedd SMART yn helpu busnesau i ailddechrau gweithio
Fel rhan o’i hymateb i’r COVID-19, mae Llywodraeth Cymru wedi cyhoeddi ei bod am roi bron i £2bn o gymorth i fusnesau yng Nghymru, hynny ar ben arian Llywodraeth y DU.
Mae’n gyfnod aruthrol o anodd i’r economi gyfan yng Nghymru, a nod y Llywodraeth trwy ddarparu’r cymorth hwn yw helpu cymaint o fusnesau â phosibl i oroesi’r argyfwng.
Mae Cymorth Arloesedd SMART ar gael i helpu busnesau gweithgynhyrchu ym mhob sector. Bydd yn helpu busnesau i gynllunio a chynnal y newidiadau sydd eu hangen i roi trefniadau gweithio diogel rhesymol ar waith sy’n cydymffurfio â deddfwriaeth a chanllawiau Llywodraeth Cymru.
Bydd arbenigwyr yn gweithio gyda chi i nodi’r cyfleoedd ar gyfer creu amgylchedd gwaith diogel, gan ddefnyddio dulliau arloesol i gynnal os nad gwella lefelau cynhyrchu.
Dyma rai camau y gellwch eu cymryd i wella’ch cynnyrch ac amodau’ch busnes:
- Asesiad cyfrinachol o risg COVID-19
- Trefniadau arloesol yn y gweithle gan gynnwys patrymau a chynlluniau prosesu
- Defnyddio technegau a thechnolegau cynhyrchu arloesol
- Asesiad o’r cyfarpar amddiffyn personol sydd eu hangen ac o’r trefniadau glanhau
- Gwneud y gorau o’r staff sydd ar y safle trwy amserlenni gwaith, logisteg a rheoli pryd bydd cyflenwadau’n cyrraedd
- Cael cydweithrediad y gweithlu wrth gynllunio newidiadau
- Sicrhau bod mannau cyffredin yn ddiogel e.e. meysydd parcio, ffreutur, cypyrddau cloi a thoiledau
- Trefniadau diogel ar gyfer hyfforddi staff
- Ystyried gwneud newidiadau i’r cynnyrch gan gynnwys eu deunydd, proses gynhyrchu, deunydd pacio ac eco-ddylunio, os oes problemau â’r gadwyn gyflenwi
- Chwilio am gyflenwyr newydd os ydy’r busnes yn ei chael hi’n anodd cael hyd i rannau a deunydd.
Mae cymorth Cynhyrchiant SMART ar gael am ddim i fusnesau yng Nghymru trwy Lywodraeth Cymru gyda chymorth ariannol yr UE.
Bydd arbenigwyr yn gweithio gyda chi, heb dâl, i gynllunio’r gwelliannau sydd eu hangen ac i’w rhoi ar waith.
I siarad â chynghorydd anfonwch e-bost at SMARTInnovation@llyw.cymru