Arloesedd SMART
Rhaglen unigryw yw Arloesedd SMART sy’n cael ei harwain gan Lywodraeth Cymru a’i hariannu gan yr Undeb Ewropeaidd. Unig nod y rhaglen yw helpu busnesau yng Nghymru i wneud yn well trwy fod yn fwy arloesol.
Gair mawr yw arloesedd – mae’n cael ei ddefnyddio’n rhy aml gan ormod o bobl, a’r gwir amdani yw ei fod yn gallu bod braidd yn niwlog. Ond rydym ni yn Llywodraeth Cymru yn rhoi mwy o bwyslais ar realiti na malu awyr: gwell cynhyrchedd sy’n cynyddu proffidioldeb trwy wneud pethau’n wahanol.
Ac rydym yn gwybod y gallwn helpu. Mae ein hystadegau pum mlynedd o 2015-2020 yn dangos ein bod ni o ddifrif.
- Rydym wedi cyfrannu £150 miliwn o fuddsoddiad at brosiectau ymchwil a datblygu
- Mae mwy na 1,700 o brosiectau wedi dechrau gyda’n cymorth
- …Ac rydym wedi bod yn allweddol wrth greu mwy na 350 o fusnesau a chydweithrediadau academaidd gan ysgogi £30 miliwn o ddiwydiant.
Ac mae arian ar ôl o hyd i wneud mwy o’r un peth, sy’n newyddion da i unrhyw un a hoffai fanteisio ar ffordd well o weithio, gan gynnwys y rhai hynny sy’n gwneud ymdrech i ddatgarboneiddio eu gweithrediadau.
Gobeithiwn ein bod wedi dal eich sylw oherwydd does dim dwywaith bod yr hyn rydym ni’n ei wneud yn gweithio.
Mae Dr Neil Haine, Rheolwr Ymchwil a Datblygu yn CellPath yn y Drenewydd, yn un o lawer o gleientiaid bodlon, ac fe ofynnom iddo ddweud gair:
“Gyda chymorth Arloesedd SMART, rydym wedi gallu buddsoddi mewn peiriannau cwbl awtomataidd sydd wedi ein helpu i gyflogi 19 o bobl ychwanegol, gweld cynnydd 40% yn ein busnes allforio a chyflawni twf cyffredinol o 15%.”
Cefnogir y rhaglen hefyd gan Matt Newland, Rheolwr Gyfarwyddwr Swallow Yachts o Aberteifi, a ddywedodd: “Gyda chymorth arloesedd, fe aethom ni â chwch hwylio a enwebwyd am wobr o’r cam dylunio i realiti mewn 15 mis a chynyddu ei werthiannau allforio 20% mewn dwy flynedd.”
Dyma ein cynnig i fusnesau bach a chanolig (BBaChau) a sefydliadau mwy o faint…
“Os ydych chi eisiau gwneud rhywbeth newydd, gwell neu gyflymach, fe helpwn ni chi i wneud hynny.”
Felly, peidiwch â meddwl nad yw’n addas i chi, cysylltwch nawr.
