Bydd Sgiliau Bwyd Cymru, gan weithio mewn partneriaeth â Chyfarwyddiaeth Partneriaeth Gymdeithasol, Cyflogadwyedd a Gwaith Teg Llywodraeth Cymru, yn cynnal 3 gweithdy ar-lein ym mis Ionawr 2023 i roi cyfle i ddysgu mwy am hawliau gweithwyr yng nghyd-destun y sector bwyd a diod yng Nghymru. Bydd y rhai sy’n cymryd rhan yn clywed ac yn ymgysylltu â siaradwyr o amrywiaeth o sefydliadau sy’n hyrwyddo hawliau gweithwyr ac yn mynd i’r afael â cham-drin a chamfanteisio yn y farchnad lafur.
Nod y gweithdai yw:
- Cryfhau dealltwriaeth o hawliau gweithwyr, cyfrifoldebau cyflogwyr a gorfodi
- Deall ble i gael cyngor, gwybodaeth ac arweiniad
- Dysgu sut i adnabod arwyddion camfanteisio ar lafur a sut i adrodd am bryderon
- Dysgu am fynd i'r afael â chamfanteisio ar lafur ac arferion cyflogaeth anfoesegol mewn cadwyni cyflenwi
Bydd y sefydliadau canlynol yn darparu diweddariadau llawn gwybodaeth ar y pwnc:
- Llywodraeth Cymru
- Awdurdod Meistri Gangiau a Cham-drin Llafur
- ACAS
- Arolygiaeth Safonau Asiantaethau Cyflogaeth
- Cyllid a Thollau EM
- BSI
Ariennir y gweithdai’n llawn gan Lywodraeth Cymru a byddant yn cael eu cyflwyno ar-lein ar y dyddiadau canlynol:
- Dydd Mercher 11 Ionawr 2023 – cliciwch i gofrestru 11 Ionawr 2023 am 10am
- Dydd Mercher 18 Ionawr 2023 – cliciwch i gofrestru 18 Ionawr 2023 am 10am
- Dydd Mercher 25 Ionawr 2023 – cliciwch i gofrestru 25 Ionawr 2023 am 10am
Os hoffech ragor o wybodaeth cysylltwch â wales@lantra.co.uk