Hanes Lwyddiant

O Gymru i weddill y byd! Mae llawer o gwmnïau Cymreig o bob maint yn llwyddo i allforio'u cynnyrch neu wasanaethau yn dramor yn llwyddiannus. Mae cynhyrchion a gwasanaethau Cymru'n ymddangos mewn pob math o sectorau, o weithgynhyrchu gwerth uchel i wyddorau bywyd a chynhyrchion defnyddwyr - dim ond tomen y mynydd iâ yw hyn mewn gwirionedd, a does dim ots maint eich busnes; Os yw eich cynnyrch neu wasanaeth yn llwyddiant gartref, gall hefyd fod yn llwyddiant dramor.

Mae Llywodraeth Cymru yn cefnogi cannoedd o fusnesau bob blwyddyn ar eu taith allforio, o gymorth i ddod o hyd i farchnadoedd newydd, adnabod cyfleoedd rhyngwladol newydd a helpu i wneud cysylltiadau mewn marchnadoedd newydd - peidiwch â chymryd ein gair amdano yn unig, gwyliwch y fideo byr yma gan rai o'n Harwyr Allforio i gael gwybod mwy am sut rydyn ni wedi eu helpu ar eu taith.

Mae digon o allforwyr llwyddiannus eraill o Gymru hefyd – edrychwch ar eu straeon a chanfod sut y gwnaethom eu helpu i gyflawni eu nodau.

Limb-art

Mae Limb-art, cwmni o Gogledd Cymru, yn dylunio a chynhyrchu gorchuddion addurniadol ar gyfer coesau prosthetig i bobl ledled y byd. Maent wedi ennill nifer o wobrau am eu gwaith safonol.

Cymdeithas Bêl-droed Cymru (FAW)

Efallai bod Cymdeithas Bêl-droed Cymru (yr FAW) yn cael ei chydnabod am ei llwyddiant diweddar yn cymhwyso ar gyfer pencampwriaethau mawr ond mae hefyd yn prysur gael ei hadnabod yn rhyngwladol am ei chymwysterau hyfforddi.

Dulas

Mae cwmni Dulas o Fachynlleth yn datblygu ac yn gweithredu atebion ynni adnewyddadwy i gynorthwyo cymunedau yn rhai o ardaloedd mwyaf gwledig y byd.

Concrete Canvas

Mae Concrete Canvas, cwmni gweithgynhyrchu o Bont-y-clun, yn cynhyrchu ffabrig concrit hyblyg sy’n cael ei ddefnyddio mewn prosiectau adeiladu a pheirianneg sifil ar draws y byd.

Finalrentals

Platfform bwcio i logi ceir yw’r cwmni technoleg ariannol, Finalrentals ym Mhenarth. Mae’r dechnoleg yn caniatáu i ddefnyddwyr chwilio am brisiau llogi ceir gan amrywiaeth o gwmnïau mewn lleoliad penodol, a’u cymharu.

Air Covers

Mae Air Covers yn Wrecsam yn arbenigo mewn dylunio a chynhyrchu gorchuddion amddiffynnol ar gyfer awyrennau, cychod a cherbydau sifil a milwrol.

Aforza

Mae Aforza, y cwmni meddalwedd ddigidol o Gaerdydd, yn arbenigo mewn atebion ar sail y cwmwl ar gyfer diwydiannau nwyddau i ddefnyddwyr.

Atlantic Service Company

Mae gan Atlantic Service Company yng Nghasnewydd, cwmni gweithgynhyrchu blaenllaw sy'n cynhyrchu cyfarpar a ddefnyddir mewn gweithfeydd prosesu bwyd a siopau cig, eisoes restr helaeth o archebion rhyngwladol, ac mae ganddo gleientiaid mewn dros 50 o wledydd ar draws y byd. Allforion sydd i gyfrif am 80% o fasnach y cwmni, a gwelodd gynnydd o 10% dros y flwyddyn ddiwethaf yn unig. Mae'r cwmni bellach yn bwriadu hybu allforion i diriogaethau newydd yn rhan o gynlluniau ehangach i dyfu'r busnes.

CellPath

Mae CellPath, cwmni gweithgynhyrchu yn y Drenewydd, yn arbenigo mewn cynhyrchu a chyflenwi'r offer a'r gwasanaethau a ddefnyddir i ganfod canser. Mae'r cwmni'n allforio'i gynnyrch i dros 40 o wledydd ar draws Ewrop, America, Asia, Affrica a'r Dwyrain Canol, gan gynnwys yr UAE, Qatar ac Irac.

Celtic English Academy

Mae Celtic English Academy, yr ysgol iaith Saesneg o Gaerdydd, wedi gwneud enw rhyngwladol iddi hi hun ers iddi ddechrau addysgu myfyrwyr rhyngwladol 18 mlynedd yn ôl. Erbyn hyn mae'r cwmni'n darparu gwasanaethau ar gyfer dros 1,200 o ddysgwyr y flwyddyn o dros 50 o wledydd gan gynnwys Saudi Arabia, yr Eidal, Sbaen a Japan.