Coronafeirws (COVID-19): Cyngor i Allforwyr
Mae’r argyfwng digynsail a byd-eang hwn gyda’r Coronafeirws wedi creu problemau anferthol i fusnesau o bob maint ac ym mhob sector, gan gynnwys wrth gwrs i’r rheini sy’n allforio.
Gan fod y sefyllfa’n newid o ddydd i ddydd, mae’n bwysig bod allforwyr yn cadw llygad barcud ar yr amrywiaeth o gyngor ac arweiniad sydd ar gael i’w helpu i wneud y penderfyniadau iawn dros y cyfnod. Mae’n bwysig iawn eich bod yn cyfathrebu â’ch gweithwyr a’ch partneriaid busnes (cyflenwyr, logisteg, dosbarthwyr, banciau, adwerthwyr, platfformau e-fasnachu ac ati) am yr effeithiau posibl ar eich busnes.
Felly rydym wedi rhestru isod amrywiaeth o leoedd sy’n cynnig gwybodaeth a help i allforwyr yn ogystal â chyngor ac arweiniad mwy cyffredinol.
Gwybodaeth i Allforwyr:
Teithio Dramor
Cyngor y Swyddfa Dramor yw na ddylai neb deithio dramor oni bai ei fod yn angenrheidiol. Am y cyngor diweddaraf am deithio dramor, ewch i https://www.gov.uk/foreign-travel-advice
Yr Adran Fasnach Ryngwladol (DIT)
Bydd gan y DIT yr wybodaeth ddiweddaraf am dollau, marchnadoedd a’r effeithiau ar gadwyni cyflenwi. Am ragor o wybodaeth, ewch i:
Cyllid Allforio’r DU (UKEF)
Mae UKEF yn gweithio gyda banciau a broceriaid yswiriant i helpu cwmnïau o bob maint i gadw at gontractau allforio ac i sicrhau eu bod yn cael eu talu. Mae’n rhoi gwarantau, benthyciadau ac yswiriant ar ran y llywodraeth all amddiffyn allforwyr sy’n cael eu talu’n hwyr neu sy’n wynebu cyfyngiadau ar gludo nwyddau. Am ragor o wybodaeth, ewch i https://www.gov.uk/government/organisations/uk-export-finance
Dogfennau Allforio
Am yr wybodaeth ddiweddaraf am ddogfennau allforio, ewch i’ch Siambr Fasnach
https://southwaleschamber.co.uk/what-we-do/international/
https://wcnwchamber.org.uk/exporting/
Trwyddedau Allforio
Mae’r Uned Cyd-Reoli Allforion (ECJU) yn cymryd camau i sicrhau bod y broses ymgeisio am drwyddedau allforio’n gweithio mor esmwyth â phosibl. I gael rhagor o wybodaeth:
Hyb Allforio Llywodraeth Cymru Hub
Gwasanaeth ar-lein yw Hyb Allforio Llywodraeth Cymru i ddarparu gwybodaeth fyw gan gynnwys adroddiadau am farchnadoedd, tollau, trethi, dogfennau cydymffurfio a’r llif allforio-mewnforio. I logio ymlaen i’w ddefnyddio, ewch i
https://export.businesswales.gov.wales/en/welcome
Ymweliadau Masnach Llywodraeth Cmru
Mae’r pryderon am y coronafeirws yn golygu bod llawer o deithiau a ffeiriau masnach Llywodraeth Cymru wedi gorfod cael eu gohirio neu canslo. I weld y diweddaraf, ewch i Barth Allforio Busnes Cymru ar y ddolen isod.
https://businesswales.gov.wales/export/cy/digwyddiadau-allforio/digwyddiadau-tramor/rhestr
Gwybodaeth Gyffredinol i Fusnesau:
I gael cyngor cyffredinol, gan gynnwys manylion yr help y gall Llywodraeth Cymru a Llywodraeth y Deyrnas Unedig ei gynnig i chi, ewch i:
https://businesswales.gov.wales/cy/cyngor-coronafeirws
https://businesswales.gov.wales/cy/cysylltwch-a-ni
Ymadael â'r Undeb Ewropeaidd
Nid yw'r DU bellach yn aelod o'r UE, ac rydym mewn cyfnod gweithredu sy'n para tan 31 Rhagfyr 2020. Yn ystod y cyfnod hwn, ni fydd unrhyw newidiadau i'r telerau masnachu gyda'r UE na gweddill y byd, oni bai bod y rheolau'n newid ar gyfer yr UE gyfan.
O 1 Ionawr 2021, fe fydd y ffordd yr ydych yn masnachu gyda'r UE yn newid, ac mae angen i chi fod yn barod i gydymffurfio â threfniadau tollau newydd.
I ddechrau ar eich taith allforio, ffoniwch 03000 6 03000 neu cysylltwch â ni.
Beth bynnag rydych yn ei gynnig – gwasanaethau, trwyddedau neu gynnyrch – fe allai allforio weddnewid bron pob elfen o’ch busnes. Heblaw am fanteision amlwg gwerthu rhagor a gwneud mwy o elw, mae allforwyr llwyddiannus yn dweud bod masnachu’n rhyngwladol yn rhoi manteision eraill iddynt dros eu cystadleuwyr:
- mae busnesau yn tueddu i ddod yn fwy hyblyg wrth ymateb i farchnadoedd heriol
- mae addasu gwasanaethau neu gynnyrch er mwyn cyflenwi marchnadoedd newydd yn annog creadigrwydd ac arloesedd
- gallwch wneud arbedion drwy gyfeintiau mwy a chostau is
