Y diweddaraf am yr ymgyrchoedd

Rydym yn parhau â'n hymgyrch Blwyddyn Awyr Agored Cymru ar draws pob marchnad. Dyma grynodeb o'r prif ddigwyddiadau a fydd yn cael eu cynnal dros yr ychydig wythnosau nesaf.

 

Y Deyrnas Unedig 

  • Yn Llundain, byddwn yn hyrwyddo Cymru ar y sgrin fawr yn Waterloo am wythnos, gan ddechrau ar 24 Chwefror. Byddwn hefyd yn hyrwyddo Cymru ar sgriniau yng ngorsaf Liverpool Street a gorsaf Victoria, lle bydd rhannau o'n prif hysbyseb deledu yn cael eu defnyddio i ysbrydoli cymudwyr a’u hannog i drefnu gwyliau yng Nghymru. 
  • Bydd Cymru yn cael ei hyrwyddo ar glawr y Metro ar 25 Chwefror, gyda hysbysebion golygyddol yn ymddangos yn yr Evening Standard, yn ogystal â phartneriaeth yn y wasg â'r Times. Bydd y rhain yn cyd-daro â Dydd Gŵyl Dewi ac Wythnos Cymru yn Llundain. 
  • Gobeithio eich bod wedi gweld yr ymgyrch deledu a’r fideo ar alw am Gymru, sy'n rhedeg ers mis Ionawr. Cadwch lygad amdanynt ar Channel 4 ar 1 Mawrth. 
  • O ran yr ochr ddigidol, byddwn yn defnyddio rhagor ar ddulliau targedu daearyddol ddiwedd mis Chwefror, a fydd yn digwydd ar yr un pryd ag Wythnos Cymru yn Llundain. Rydym hefyd yn ail-lansio ein hysbysebion YouTube yn Llundain Fwyaf er mwyn manteisio ar ddigwyddiadau a gweithgareddau a fydd yn digwydd ar hyd a lled y ddinas yn ystod yr wythnos honno.

 

Yng Nghymru 

  • Dros yr hydref 2019 a’r flwyddyn newydd 2020 roeddem am ychwanegu at ein hymgyrch flaenorol yng Nghymru a pharhau gyda’r amlygrwydd a’r gydnabyddiaeth a gaiff Gymru bellach. 

  • Er mwyn ysbrydoli cynulleidfaoedd yng Nghymru, dewiswyd pump o bobl leol a brwdfrydig ledled Cymru gan ddatblygu pecynnau i ddangos eu brwdfrydedd a’u cariad dros Gymru. Mae’r pump o becynnau yn cynnwys erthygl ar croesocymru.com, ffilm a phostiadau ar y cyfryngau cymdeithasol. 

  • Cafodd y pecynnau eu cefnogi gan ymgyrch ar y cyfryngau cymdeithasol y talwyd amdani i sbarduno’r sylw a chysylltu gyda cynulleidfa o ddefnyddwyr yng Nghymru.  Eu nod yw:

    • cynyddu teithiau dydd a gwyliau byr yng Nghymru yn ystod y cyfnod canolig 

    • dathlu, creu momentwm a chreu ymwybyddaieth yn ystod y Flwyddyn Awyr Agored.

  • Roedd dau gam i’r ymgyrch: canol Tachwedd – Rhagfyr a Ionawr – Chwefror  

The best of Bethesda
Food and drink wonders of the Wye Valley
Rob Morgan's guide to Gower
Huw Brassington on Pen Llŷn's adrenaline playground
Road tripping back to Aberystwyth by Esyllt Sears
  • Yn gynharach ym mis Ionawr, i lansio’r Flwyddyn Awyr Agored i gynulleidfaoedd yng Nghymru, fe wnaethom gynnig cyfle i 80 o bobl lwcus fynd i gig unigryw mewn ogof lechi ar 29 Chwefror. Crëwyd raffl, a gafodd ei hyrwyddo drwy ein sianeli cymdeithasol, er mwyn i bobl allu ennill tocynnau i’r gig hwn gydag Alffa, Bryde a Kizzy Crawford. Mae’n digwydd yn Bounce Below ym Mlaenau Ffestiniog ac mae’n cyfuno elfennau o fod dan do ag elfennau o fod yn yr awyr agored. Mae’r gig hefyd yn cyfuno tir unigryw Cymru â chymysgedd o synau traddodiadol a modern, gan gyd-fynd â’r holl sylw y mae sîn gerddoriaeth Cymru yn ei gael yn y cyfryngau ar hyn o bryd. Y nod yw creu cysylltiadau cyhoeddus cadarnhaol i Gymru ac arddangos amrywiaeth o brofiadau newydd dros y flwyddyn nesaf.  

Iwerddon 

  • Mae ymgyrch dwristiaeth Iwerddon yn ceisio codi ymwybyddiaeth o Gymru ac annog pobl i’w hystyried yn gyrchfan wyliau ar gyfer gwanwyn a haf 2020 (gwyliau byr 1–3 noson).
  • Bydd yr ymgyrch yn rhedeg tan 31 Mawrth 2020 ac mae'n canolbwyntio ar bobl yn y grŵp ABC1 a chynulleidfaoedd â diddordebau penodol: 
    • beicio a beicio mynydd
    • cerdded a heicio
    • gwyliau a digwyddiadau 
    • treftadaeth a hanes
  • Lansiwyd elfen ddigidol yr ymgyrch drwy gyhoeddi prif fideo Blwyddyn Awyr Agored Cymru ar draws YouTube a sianeli cymdeithasol.
  • Lansiwyd yr ymgyrch ar y teledu gyda chic gyntaf y gêm rygbi rhwng Cymru ac Iwerddon ar 8 Chwefror. Roedd brand Cymru hefyd i’w weld ar y sgriniau ar ochrau’r cae yn ystod y gêm honno. Bydd ymgyrch ar y cyd â’r fferis yn dechrau o fis Ebrill ymlaen.

Yr Almaen

  • Bydd Croeso Cymru yn mynd i ITB Berlin rhwng 4 a 8 Mawrth – un o sioeau mwyaf y byd yn y diwydiant teithio. Caiff yr arddangosfa dwristiaeth genedlaethol hon ei chynnal yn y Messe, Berlin.
  • Am yr 50 mlynedd ddiwethaf, mae ITB Berlin wedi cynnig marchnad fyd-eang, safle rhwydweithio a man cyfarfod ble y gall cyrchfannau twristiaeth, atyniadau, cwmnïau gwyliau, safleoedd archebu ar-lein, gwestai, cwmnïau hedfan, meysydd awyr, cwmnïau mordeithio a nifer o ddarparwyr gwasanaethau eraill ar draws 180 o wledydd gyflwyno eu cynnyrch a'u gwasanaethau. 
  • Ar y stondin gyda ni eleni bydd Cadw, Go North Wales a phartneriaid a fydd yn cynrychioli Ffordd Cymru.
  • Rydym hefyd yn cynnal amryw o ymgyrchoedd partneriaeth allweddol rhwng nawr a mis Ebrill, gyda:
    • P&O Ferries
    • SportScheck
    • TUI Wolters Reisen
    • DERTOUR
    • Wikinger Reisen
    • Boundless Resisen
  • Yn ogystal â’n hymgyrch ddigidol, sy’n cynnwys fideo ar alw a hysbysebion arddangos digidol, rydym hefyd yn gweithio ar hysbysebion golygyddol mewn cyhoeddiadau a chylchgronau teithio/ffordd o fyw a chylchgronau bwyd a diod yn yr Almaen. Dyma grynodeb o’r hyn sydd wedi ei drefnu:
    • Cylchgrawn ADAC (rhifyn mis Ionawr/Chwefror) –cylchgrawn yn yr Almaen sy’n debyg i gylchgrawn Automobile Association, ac mae gennym dudalen ddwbl ynddo yn hysbysebu Ffordd Cymru.
    • Geo Saison (rhifyn mis Chwefror) – cylchgrawn ym mhen uchaf y farchnad ar deithio a ffordd o fyw, ac mae gennym dudalen ynddo yn hysbysebu Blwyddyn Awyr Agored Cymru
    • Cylchgrawn Outdoor (rhifyn mis Chwefror) – tudalen yn hysbysebu Blwyddyn Awyr Agored Cymru
    • Cylchgrawn BEEF (rhifyn mis Mawrth) – tudalen ddwbl ar fwyd a diod yng Nghymru
    • Erthygl arbennig ar deithio yng nghylchgrawn Schoner Wohnen (rhifyn mis Mai) – tudalen ddwbl yn y cylchgrawn teithio a ffordd o fyw hwn