Wedi eu hysbrydoli gan y Ddeddf Llesiant Cenedlaethau’r Dyfodol, mae’r sector cyhoeddus a phobl ledled Cymru yn cymryd camau i wneud y wlad yn lle gwell i fyw ac i weithio ynddi. Gallwch ymuno yn hyn drwy wneud eich busnes yn addas ar gyfer y dyfodol, i gynyddu ei gynaliadwyedd a’i ffyniant.
Gwyliwch ein cyflwyniadMae Cymru yn wynebu sawl her nawr ac yn y dyfodol, fel newid yn yr hinsawdd, tlodi, anghydraddoldeb iechyd a swyddi a thwf. Mae’r Ddeddf yn cydnabod bod angen i ni gydweithio er mwyn mynd i’r afael â’r rhain. I roi bywydau sydd o ansawdd da i genedlaethau heddiw ac yfory, mae'n rhaid i ni feddwl am effeithiau tymor hir ein penderfyniadau.
Mewngofnodi, neu greu cyfrif SOC
Defnyddio’r canllaw hwn er mwyn gweld pa mor barod ydych chi am y dyfodol
Lawrlwytho eich adroddiad am ddim i gefnogi eich cynllun gweithredu
Cael rhagor o gefnogaeth gan eich Cynghorydd Busnes Cymru
Mae'r 7 nod llesiant yn egwyddorion defnyddiol ar gyfer creu busnesau cryfach a chadarn.
Sut ydym yn cyflawni Cymru ffyniannus? Y cam cyntaf yw sicrhau busnes ffyniannus - busnes arloesol, cynhyrchiol a charbon isel, gan ddefnyddio adnoddau yn effeithlon a chymesur.
Gall busnes cydnerth arwain at Gymru gydnerth - gweithio tuag at amgylchedd busnes sy'n cynnal cydnerthedd cymdeithasol, economaidd ac ecolegol ynghyd â'r capasiti a'r gallu i newid.
Gall busnes ac amgylchedd iachach arwain at Gymru iachach - busnes sy'n edrych ar ôl llesiant corfforol a meddyliol ei weithwyr ac sy'n cydnabod bod unrhyw ddewisiadau a newidiadau ymddygiadol y mae'n eu datblygu yn effeithio'n gadarnhaol ar iechyd ei weithwyr yn y dyfodol ac iechyd pobl o fewn yr ardal leol a Chymru gyfan yn y dyfodol.
Gall amgylchedd mwy cyfartal yn eich busnes arwain at Gymru fwy cyfartal i weithio a byw ynddi - Busnes sy'n galluogi eu staff, eu cadwyn gyflenwi a'u cwsmeriaid i gyflawni eu potensial ni waeth beth fo'u cefndir neu eu hamgylchiadau.
Mae busnesau sy'n cefnogi cymunedau cydlynus yn cefnogi twf y cymunedau hynny yng Nghymru - busnes sy'n sicrhau bod eu gweithgareddau mewnol ac allanol yn helpu i greu cymunedau a lleoedd atyniadol, hyfyw a diogel sydd â chysylltiadau da i fyw a gweithio ynddynt.
Mae modd cynnal diwylliant bywiog lle mae'r Gymraeg yn ffynnu drwy'r gweithgareddau hynny yn eich busnes - busnes sy'n helpu i hyrwyddo a gwarchod y Gymraeg a diwylliant Cymru; annog pobl i gymryd rhan yn y celfyddydau, chwaraeon a hamdden.
Gall busnes sy'n gyfrifol ar lefel fyd-eang helpu Cymru i ddod yn fwy cyfrifol ar lefel fyd-eang - busnes sy'n ystyried a yw ei gamau gweithredu yn cyfrannu'n gadarnhaol at lesiant economaidd, cymdeithasol, amgylcheddol a diwylliannol Cymru, a llesiant byd-eang yn y pendraw.
Cofiwch ystyried eich nodau hirdymor a’u heffaith wrth geisio cyflawni anghenion tymor byr.
Aliniwch eich amcanion busnes gyda’ch Nodau gwneud eich busnes yn Addas ar Gyfer y Dyfodol er mwyn sicrhau bod eich busnes yn gadarn ac yn iach, nawr ac yn y dyfodol.
Ymgysylltwch â phobl ar bob lefel, o fewn ffiniau eich sefydliad a thu hwnt, er mwyn eich helpu i gyrraedd eich nod.
Crëwch gyfleoedd i gydweithio o fewn eich busnes a thu allan, i’ch helpu chi i ddiwallu eich amcanion, yn ogystal â diwallu anghenion cenedlaethau’r dyfodol.
Cydnabod ac osgoi problemau a all wynebu eich busnes – yn ogystal ag unrhyw rai y gall eu hachosi – gan gynllunio’n rhagweithiol, a threfnu cynlluniau wrth gefn.
Mae RM Group wedi edrych ar fynd i'r afael â chydraddoldeb rhwng rhanbarthau a hyrwyddo gwaith teg. Mae'r ffordd maen nhw'n gweithio'n golygu eu bod yn cyflawni tri o'r saith nod:
Mae Riversimple wedi edrych ar ysgogi twf cynaliadwy a mynd i'r afael â newid yn yr hinsawdd. Mae'r ffordd maen nhw'n gweithio'n golygu eu bod yn cyflawni pedwar o'r saith nod:
Gall ein tîm o Gynghorwyr Busnes roi cymorth ymarferol i chi ar sut i wneud eich busnes yn addas ar gyfer y dyfodol.
