Rheoli'r Rhaglen a Rhobl Gyswllt

Y TIM RHEOLI RHAGLEN –  trwy COFUND

PWYLLGORAU A PHANELI

Y Panel Gwerthuso Annibynnol: Bydd hwn yn gweithredu mewn ffordd debyg i fwrdd ymchwil Cyngor Ymchwil cenedlaethol a bydd pob penderfyniad gwyddonol yn cael ei wneud ar sail teilyngdod, fel y’i hasesir gan adolygiad gan gymheiriaid, heb unrhyw fewnbwn gan weinidogion na gweision sifil. Gofynnir i aelodau o’r gymuned gwyddoniaeth a busnes ystyried ceisiadau am gymrodoriaeth unwaith y flwyddyn yn nhair blynedd gyntaf y SIRCIW pum mlynedd. Cafodd y panel ei recriwtio trwy gystadleuaeth agored a thryloyw.

Nodir yr aelodau yn y tabl isod. Bydd y Panel hwn yn sicrhau cydymffurfiaeth â phrotocolau llywodraethu caeth, yn unol â’r canllawiau a ddilynir gan Gynghorau Ymchwil y Deyrnas Unedig, ac yn rhoi sylw penodol i ymdrin yn briodol â gwrthdaro buddiannau. Bydd pob aelod o’r panel yn gweithredu fel rapporteur ar gyfer un neu ragor o’r cynigion yng nghyfarfod y panel, gan roi ei sylwadau a’i sgorau ar bob un.
 

Bwrdd Buddiolwyr y Rhaglen: Bydd ‘Bwrdd Buddiolwyr y Rhaglen’ yn cael ei gadeirio gan Chris Hale, Head of Operations, Chief Scientific Adviser's Division.

Gallai’r aelodau eraill gynnwys uwch aelodau o staff Llywodraeth Cymru; Prif Weithredwr CCAUC; a Dirprwy Is-Gangellorion Ymchwil y prifysgolion partner.

Grŵp Goruchwylio Ymchwil ac Arloesedd Cyfrifol: Bydd hwn yn grŵp o dri o bobl sydd â phrofiad o eistedd ar baneli adolygu moesegol a/neu arbenigedd mewn materion sy’n ymwneud â chydraddoldeb ac amrywiaeth. Bydd y grŵp hwn yn goruchwylio’r gwaith o reoli materion moesegol ac yn cael adroddiadau blynyddol ar y ffordd mae materion sy’n ymwneud ag ymchwil ac arloesedd cyfrifol yn cael sylw trwy’r rhaglen a chan gymrodoriaethau unigol a ddyfarnwyd. Caiff ei benodi cyn bo hir trwy gystadleuaeth agored a thryloyw