Store Tally

Technoleg wedi'i datblygu'n lleol yn helpu busnesau Gwynedd a Môn yn ystod pandemig Covid-19

Mae COVID-19 wedi ac yn parhau i osod heriau mawr i fusnesau Gwynedd ac Ynys Môn. Pwrpas ein technoleg newydd, Store Tally yw ceisio datrys rhai o’r heriau hynny. Dyfais Rheoli Dwysedd Ymwelwyr ydyw, i amlygu pwysigrwydd iechyd a diogelwch cwsmeriaid a staff i fusnesau’r ardal.

Crëwyd y dechnoleg gan gwmni lleol yn M-Sparc er mwyn cyfri’r nifer o bobl sy’n mynd mewn ac allan o adeiladau. Ar ôl cyrraedd capasiti, bydd croes goch yn ymddangos i hysbysu pobl i beidio â mynd mewn i’r adeilad tan fydd arwydd gwyrdd yn caniatáu iddynt fynd mewn. Caniatâ hyn i aelodau staff barhau gyda’u cyfrifoldebau arferol, yn lle gorfod rheoli/cynorthwyo’r ciwiau y tu allan i’r adeilad.

Yn ystod y peilot, gosodwyd y dechnoleg mewn sawl busnes gwahanol yng Ngwynedd ac Ynys Môn:

• Halen Môn
• Siop Ellis Llangefni
• Tafarn y Rhos
• Canolfan Arddio Holland Arms
• Fferm Foel

Gwynedd-

• Canolfan Arddio Fron Goch
• Spar Nefyn
• Spar Pwllheli
• Emrys House Beddgelert
• Siop Hosbis Dewi Sant Pwllheli

Mae AGW ac Arloesi Mon yn gobeithio y bydd hyn yn helpu i leddfu rhywfaint o'r pwysau ar fusnesau, a rhoi sicrwydd ychwanegol i gwsmeriaid. Gan fod hwn yn beilot, byddant yn dysgu pa mor effeithiol yw'r dechnoleg, ac yn rhannu'r wybodaeth hon gyda busnesau eraill ar draws y ddwy sir.