Prosiect Mapio Cymunedol ym Mro Morgannwg

Disgrifiad o'r prosiect:

Nod y prosiect peilot Mapio Cymunedol yw ennyn dealltwriaeth drylwyr o ardal Sain Tathan drwy gydweithio â'r trigolion, y rhanddeiliaid a'r busnesau lleol i ystyried yr agweddau positif ar yr ardal, gan fapio'r asedau ffisegol a'r cysylltiadau cymdeithasol o fewn y gymuned. 

Beth y bydd y prosiect yn ei gyflawni?

Amcanion y prosiect  

•    Adolygu'r sefydliadau sy'n gweithio yn yr ardal a'r gwasanaethau y maent yn eu darparu. 
•    Ymgysylltu â grwpiau targed, grwpiau anodd eu cyrraedd a chymuned ehangach Sain Tathan er mwyn clywed eu barn ynghylch eu cymuned, y gwasanaethau lleol sydd ar gael o fewn yr ardal a sut  yr hoffent iddi ddatblygu yn y dyfodol. 
•    Mapio'r asedau ffisegol, yr adnoddau cymunedol a'r gweithgareddau yn yr ardal. 
•    Gwerthuso'r broses a llunio pecyn cymorth i'w rannu â chymunedau eraill yn y Fro. 
•    Datblygu cynllun gweithredu ac ymchwilio i gyfleoedd ar gyfer prosiectau peilot drwy raglen LEADER.

Pwy ddylai elwa ar y prosiect?

Er bod y cynllun peilot cychwynnol wedi targedu Sain Tathan mae cymunedau eraill o fewn ardaloedd gwledig y Fro hefyd wedi elwa ar ddefnyddio'r Arweinlyfr drafft ar gyfer Mapio Cymunedol. 

Beth oedd canlyniad y prosiect?  

Cafodd y prosiect ei gwblhau ym mis Mawrth 2017, sef adeg lansio'r Arweinlyfr Mapio Cymunedol. Mae fideo wedi'i gynhyrchu er mwyn rhannu'r hyn a ddysgwyd gyda phobl eraill ac ers hynny mae nifer o gymunedau wedi mynegi diddordeb mewn defnyddio'r arweinlyfr. 

Mae swyddogion y Cyngor yn defnyddio'r arweinlyfr er mwyn cefnogi eu gwaith ymgysylltu â'r gymuned ac maent wedi cyflwyno'r hyn y maent wedi'i ddysgu i gyfarfod Un Llais Cymru cynghorau tref a chynghorau cymuned yn Ne Cymru. Roedd ymateb y rhai a fynychodd yn bositif iawn ac yn awyddus i wybod mwy. 
 

http://www.valeofglamorgan.gov.uk/en/working/Rural-Communities/Evolving-Communities/Community-Mapping/Community-Mapping-Pilot.aspx