Prosiect y “Tipical Valleys”

Roedd prosiect y “Tipical Valleys” yn ganlyniad i gydweithredu a chyfathrebu rhwng nifer o randdeiliaid a chymunedau lleol ynghyd ag asiantaethau rhanbarthol. Yn ddiweddar, daeth amgylcheddwyr, daearegwyr a haneswyr diwylliannol i sylweddoli’n gynyddol mai tomennydd rwbel a grëwyd o ganlyniad i ddiwydiannau, yw rhai o’r ychydig nodweddion yn y dirwedd sy’n cynnig: cynefinoedd amrywiol ar gyfer rhywogaethau brodorol, adnoddau gwerthfawr ar gyfer astudiaeth wyddonol a daearegol, ac asedau treftadaeth gwerthfawr.

Nodau’r Prosiect:

Sefydlwyd “Tipical Valleys” er mwyn i gymunedau lleol ail-ymgyfarwyddo â’u tirweddau ôl-ddiwydiannol gan na chawsant eu gwerthfawrogi’n llawn hyd yma. Nod y prosiect oedd addysgu a hysbysu pobl gan ennyn mwy o werthfawrogiad am y lleoedd hyn o fewn eu cymunedau.

• Darparu tirwedd arloesol ac ysbrydoledig i godi ymwybyddiaeth o’r amgylchedd lleol a’r bygythiadau iddo
• Hyrwyddo mwy o gyfleoedd ar gyfer hamdden ac adloniant yn yr awyr agored 
• Gweithio gydag ysgolion, cymunedau a rhanddeiliaid eraill i hyrwyddo’r syniad fod tomennydd rwbel yn asedau cymunedol pwysig, ac annog ceidwadaeth.

Allbynnau’r Prosiect:

Sylwadau’r Cyhoedd:

“Roedden ni bob amser yn chwarae ar y tomennydd fel plant yn ôl yn y pumdegau a’r chwedegau. Mae’n anhygoel meddwl bod y rhain wedi dod yn lleoedd mor ddiddorol ac mae’n hyfryd gweld plant yn eu defnyddio nawr. ”

“Pam nad oes unrhyw un wedi yn dweud wrthym ni am hyn o’r blaen! Rwy’i wedi dysgu cymaint yn ystod yr ychydig oriau diwethaf, ac rwy’i mynd i ddod â fy merch a’m hwyrion yma ar y penwythnos a sôn wrthyn nhw am bopeth.”

“Pam yr holl ffws am Fannau Brycheiniog pan mae gennym ni lefydd fel hyn yn ein cymunedau!?”

Mae Prosiect “Tipical Valleys” yn rhan o Cymunedau Gwledig Llywodraeth Cymru - Rhaglen Datblygu Gwledig Cymru 2014-2020, a ariennir gan Lywodraeth Cymru a’r Gronfa Amaethyddol Ewrop ar gyfer Datblygu Gwledig.