Parc Lles Bronllys

Cyflwyniad

Nod Prosiect Lles Bronllys oedd bod yn 'gyntaf' arall i Gymru: cynnig arloesol a llawn dychymyg a fyddai'n sicrhau (pan gaiff ei wireddu) Hwb Cymunedol y Parc Lles. Bydd hyn yn dod â ffyniant enfawr, llawer o gysur a lles i bobl leol o'r amrywiaeth o ddarpariaeth newydd, yn ogystal â sicrhau Campws Iechyd wedi'i uwchraddio. Bydd yn sicrhau dyfodol cadarnhaol i'r Gwasanaethau Iechyd a Lles yn safle Ysbyty Cymunedol Bronllys lleol.

Roedd y prosiect hwn yn cynnig amrywiaeth eang o fentrau i ymestyn cyfleusterau hanfodol presennol er mwyn cynyddu lles trigolion Bronllys, Talgarth, y Gelli a'r cymunedau cyfagos. Nod y mentrau hyn yw gwella trafnidiaeth leol, cynyddu tai gwirioneddol fforddiadwy, hyrwyddo ynni cynaliadwy a chyfleoedd cyflogaeth lleol, gan alluogi pobl leol i ddefnyddio a mwynhau yn llawn tiroedd helaeth a hardd ased cymunedol gwerthfawr Ysbyty Bronllys.

Her 

Roedd BWBP CLT Ltd, Cymdeithas Budd Cymunedol, yn bwriadu cydgynhyrchu â Bwrdd Iechyd Addysgu Powys a Chyngor Sir Powys, fel y gofynnwyd iddynt wneud gan Lywodraeth Cymru i ddatblygu Parc Lles gyda'r Ysbyty Cymunedol wrth wraidd y gwaith. Cafodd newid mewn rheolwyr ym Mwrdd Iechyd Addysgu Powys (PTHB) effaith heriol ar y prosiect heb fod yn amlwg ar y dechrau ond daeth hyn yn fwy amlwg yn ystod oes y prosiect. 

Atebion

Cynhaliodd BWBP astudiaethau i ddangos dichonoldeb y cynigion a gyflwynwyd gan y gymuned, yn ogystal â chynllunio rhaglenni peilot a phrosiectau cychwynnol bach, sefydlu rhwydweithiau, croesawu gwaith ymgysylltu pan gynigiwyd hynny a diweddaru cynigion i fod yn sail ar gyfer yr ymgynghoriadau oedd wedi eu haddo ar y cyd â PTHB. Byddai BWBP hefyd yn ymchwilio i gyllid arall nad oedd ar gael i wasanaethau statudol.

Budd 

Roedd ein canfyddiadau o'r saith astudiaeth ddichonoldeb yn rhoi eglurder ac yn gosod cyfeiriad ar gyfer datblygu'r opsiwn a ffefrir yn gynigion cadarn. Mae'r Darluniau Gweledigaeth a dogfen gynnig newydd 'Y Deg Mlynedd Nesaf' yn sail i'r ymgynghoriadau a addawyd â'r PTHB. Mae'r cynigion hyn wedi cael cymeradwyaeth gan lawer o bobl yn ogystal â phobl Leol a Chynghorwyr Sir, gan gynnwys Sophie Howe (Comisiynydd Cenedlaethau'r Dyfodol Cymru) a Helen Howson (Prif Swyddog Gweithredol Comisiwn Bevan), Kirsty Williams, John Davies, cyn-Archesgob Cymru yn dilyn ei ymddeoliad diweddar, ac mae Michael Sheen wedi darparu clip fideo byr i gefnogi lansio'r ddogfen. 

Pan gaiff ei wireddu, bydd Hwb Cymunedol y Parc Lles yn dod â ffyniant enfawr, llawer o gysur a lles i bobl leol yn sgil y ddarpariaeth newydd, amrywiol a bydd hefyd yn sicrhau bod Campws Iechyd wedi'i uwchraddio yn ganolog iddo.

Canlyniad

Bellach mae gan ein haelodau etholedig lleol a'n cymunedau ehangach gynigion rhagorol sydd wedi'u cefnogi i gael eu cyflawni a'u cyflwyno i'w trafod gyda Thîm Gweithredol PTHB. Mae amrywiaeth o brosiectau peilot a phrosiectau bach wedi'u cynllunio a byddant ar gael i'w gweithredu pan roddir caniatâd. 

Mae cynigion y ddogfen y Ddeng Mlynedd Nesaf wedi'u pennu drwy ymgysylltu cadarn â'r cyhoedd ac fe'u cyflwynwyd yn unol â meddyliau a dymuniadau cymunedau lleol a gafodd gytundeb eang a chefnogaeth gymhellol.
Maen nhw'n cynnwys rhwydweithiau ar gyfer Trafnidiaeth, Tai gwirioneddol fforddiadwy, cyfleusterau Hamdden, Ynni a Chadwraeth sy'n gwella Iechyd a Lles, a all yn ei dro gynyddu a pharhau i fynd i'r afael â datblygiad y Parc Lles a'i gefnogi a chyfrannu at garfan o randdeiliaid estynedig. 

Y canlyniad yn y pen draw yw bod PTHB wedi ailymrwymo i Bronllys barhau fel safle ysbyty ar ôl symud allan yn rhannol yn 2018. Mae hyn wedi galluogi Ysbyty Bronllys i fod â rôl anferth fel canolfan frechu yn ystod y Pandemig. Fodd bynnag, nid yw PTHB wedi gallu ymgysylltu'n llawn ac ymddengys ar hyn o bryd nad oes ganddo'r gallu i wneud hynny (yn ôl pob tebyg oherwydd nifer annigonol o staff i ymdrin â'r prosiect amlweddog hwn). 

Gwneir ymdrechion i barhau i gynnig cefnogaeth ac ailosod y berthynas waith deirochrog a magu hyder yn y cynigion a dymuniadau'r gymuned leol. Mae Bwrdd BWBP yn parhau i ddatblygu cynigion Hwb Cymunedol y Parc Iechyd a Lles ac yn ymdrechu i sicrhau y bydd y mentrau hyn a arweinir gan y gymuned yn cael eu gweithredu'n ymarferol ar safle Bronllys.

Amcanion y Prosiect, Allbynnau/Canlyniadau

Sut fydd modd mesur llwyddiant? 

1. Perthynas waith ardderchog rhwng PTHB, Comisiynydd Heddlu a Throseddu (PCC) a BWBP gyda chytundeb teirochrog llawn a Memorandwm Cyd-ddealltwriaeth wedi'i lofnodi rhwng yr holl bartneriaid. 
2. Cwblhau cynigion achos busnes llawn a chynllun gweithredu, gyda chytundeb cyllideb a chyllid.
3. Gweithredu'r rhaglen fesul cam dros y deng mlynedd nesaf