Lladrata cerbydau masnachol neu ohonyn nhw
Gyda chymaint o fusnesau'n defnyddio cerbydau masnachol, a llawer o staff yn defnyddio'r un cerbydau, mae’n gymharol hawdd lladrata a gwneud niwed i gerbydau masnachol
Effeithiau
Busnesau megis cwmnïau tacsis, cludiant neu ddanfon sy’n aml yn dioddef waethaf o ladrata cerbydau masnachol. Bydd cwsmeriaid yn cael eu siomi pan na chedwir at apwyntiadau a danfoniadau ac efallai y collir cysylltiadau allweddol.
Rhwystro
Gallai cyfyngu ar faint o’r staff sy’n gallu cael yr allweddi fod o help rhag i gerbydau masnachol gael eu lladrata a'u niweidio. Gallai sicrhau fod ceir yn cael eu parcio mewn man parcio diogel ac nid y tu allan i gartrefi staff hefyd fod o gymorth gyda diogeledd.
Riportio
Ffoniwch eich Heddlu lleol ar 101. Ond, mewn argyfwng, ffoniwch 999 bob tro. 101 yw'r rhif i'w ffonio os, er enghraifft:
- mae cerbyd wedi’i ladrata
- mae eiddo wedi’i ddifrodi
- i gyflwyno gwybodaeth ynghylch trosedd arall
Gellir defnyddio’r rhif i riportio digwyddiad nad yw'n argyfwng i unrhyw Heddlu yng Nghymru. Mae ffonio 101 o linellau tir a rhwydweithiau ffonau symudol yn costio 15 ceiniog yr alwad, ar unrhyw adeg o'r dydd a pha mor hir bynnag y byddwch ar y ffôn.
Mewn argyfwng deialwch 999 bob tro. Mae hynny pan mae gofyn gweithredu ar unwaith, megis:
- bod trosedd yn y broses o gael ei gyflawni
- mae rhywun gerllaw sy’n cael ei amau o drosedd
- mae bywyd rhywun mewn perygl
- mae rhywun wedi’i anafu
- mae trais yn cael ei ddefnyddio neu ei fygwth