Julie Williams

HYFFORDDIANT A CHWNSELA YMGYNGHORIAETH NIWROAMRYWIAETH
Yn cefnogi unigolion i ffynnu yn gymdeithasol, yn emosiynol ac yn broffesiynol.

www.thecoachingden.org

Entrepreneur busnes / Awdur / Bardd / Eiriolwr Niwroamrywiaeth

Creu Cysylltiadau a Ffurfio Partneriaethau
Am dros 40 mlynedd rwyf wedi bod yn arwain amrywiol fentrau llwyddiannus, gan lywio fy ffordd drwy fyd deinamig busnes gyda chreadigrwydd a hwyl, a do rwyf wedi gwneud ambell i gamgymeriad ar y ffordd. Rwy'n angerddol dros gysylltu pobl â'i gilydd, meithrin cydweithredu ac adeiladu partneriaethau hirdymor tra'n:  
Cael Gwared ar Rwystrau i Gyfranogi
Fel eiriolwr dros niwroamrywiaeth, rwy'n gweithio i sicrhau tegwch. Rwy'n credu'n gryf fod pawb yn haeddu'i le wrth y bwrdd. P'un a yw hyn drwy newidiadau i bolisïau, ymgyrchoedd ymwybyddiaeth neu ddatrysiadau ymarferol. Rwy'n gweithio'n ddiflino i ddatgymalu unrhyw rwystrau sy'n amharu ar allu pobl i gyfranogi'n llawn. Rwyf hefyd yn:

Frwd dros Deithio
Mae fy mhasbort yn dyst i sawl antur. Mae teithio yn bwydo fy nghreadigrwydd, yn ehangu fy safbwynt ac yn fy atgoffa o'r hyn rydyn ni'n ei rannu fel bodau dynol. O farchnadoedd prysur Gwlad Thai i fynachlogydd tangnefeddus Gwlad Groeg, rwyf wedi ymdrochi yng nghyfoeth diwylliannau ledled y byd. Mae hyn wedi fy arwain i fod yn:
Gwnselydd a Mentor
Mae rhoi arweiniad i eraill yn rhywbeth rwy'n angerddol amdano. Fel cwnselydd rwyf wedi bod yn glust i wrando ar rai sy'n ceisio ymgodymu gyda throeon bywyd. Fel mentor, rwyf wedi grymuso entrepreneuriaid newydd, gan eu cynorthwyo i fireinio eu sgiliau, i sicrhau bod eu gweledigaeth yn dod yn realiti a'u bod yn gallu canfod eu llwybr unigryw eu hunain.