Louise Bater

Cychwynnais fy mywyd gwaith fel swyddog iau yn yr Adran Gyllid Alltraeth yn y swyddfa yn Jersi ar gyfer Price Waterhouse Coopers. Gadewais 12 mlynedd yn ddiweddarach fel Uwch Reolwr ac Aelod Cyswllt o Sefydliad Siartredig Ysgrifenyddion a Gweinyddwyr (sef y Sefydliad Llywodraethu Corfforaethol heddiw). Enillais y cymhwyster tra'n gweithio llawn amser.  Yna, roeddwn yn berchennog ar westy yn Sir Benfro am 3 blynedd. Yn ystod y cyfnod hwn, cafodd y gwesty ei enwebu ar gyfer gwobrau ac enillodd sawl tystysgrif.  

Gwerthais y gwesty, a chymryd blwyddyn o seibiant i ganolbwyntio ar fy mab a gafodd ddiagnosis o awtistiaeth.  Yn ystod y cyfnod hwn, cefais fy mhenodi'n Ysgrifennydd grŵp cefnogi Awtistiaeth lleol, ac mewn amser, cefais swydd ran amser gydag elusen yn darparu cefnogaeth i oedolion gydag anableddau dysgu.  Gweithiais mewn amrywiaeth o swyddi o fewn yr elusen hon am 9 mlynedd, ac ennill profiad gwerthfawr mewn iechyd a gofal cymdeithasol, yn ogystal ag adnoddau dynol.  

Yna, prynais fusnes golchdy a glanhau dillad oedd yn methu ym Mhen-y-bont ar Ogwr, a'i droi yn fusnes llwyddiannus.  Gwerthais y golchdy ar ôl deng mlynedd, i dreulio mwy o amser gyda fy nheulu a gofalu am fy mam mewn oed. Nawr, rwy'n fentor i Fusnes Cymru, ac rwy'n rheoli ac yn berchennog ar amryw o eiddo rhent, ac rwyf wedi bod yn gwneud hynny ers 30 blynedd.