Vicki Spencer-Francis

Mae gan Vicki ddeunaw mlynedd a mwy o brofiad mewn marchnata a chyfathrebu, yn gweithio yn Llundain a Chymru. Dechreuodd ei gyrfa yn Channel 4 fel Swyddog y Wasg cyntaf Dermot O'Leary, cyn mynd ymlaen i lansio sianelau digidol cyntaf yn y DU yn Granada ac yna yn y BBC lansiodd y sianelau CBBC a Cbeebies newydd.

Ers symud yn ôl i Gymru, mae Vicki wedi gweithio mewn llywodraeth leol ac yn Llywodraeth Cymru lle bu'n Rheolwr Marchnata ac Ymgyrch yr ymgyrch marchnata lle cyntaf yng Nghymru, gan ganolbwyntio ar y cynnig twristiaeth a marchnata ar draws y deg ardal awdurdod lleol sy’n rhan o’r Cymoedd.

Mae gan Vicki brofiad helaeth yn y trydydd sector yng Nghymru, gan weithio gyda Macmillan Cancer Support, Sefydliad Prydeinig y Galon, WRVS, Tenovus a Comic Relief. Mae hi a'i thîm yn rheoli'r holl weithgarwch cyfryngau rhanbarthol yng Nghymru, Gorllewin Canolbarth Lloegr a Gorllewin a De-orllewin Lloegr ar gyfer ymgyrchoedd Sport Relief a Red Nose Day.

Mae Vicki wedi ennill dros ugain o wobrau CIPR ac un wobr CIM ar gyfer nifer o ymgyrchoedd mae hi wedi eu creu a’u harwain. Sefydlodd Vicki Cowshed ym mis Gorffennaf 2014 i ddefnyddio ei harbenigedd mewn cynllunio a chyflwyno ymgyrchoedd i wneud gwahaniaeth go iawn i fywydau pobl. Mae Cowshed yn cadw at ei addewid i gyflwyno ymgyrchoedd sy'n gweithio yn unig, i gleientiaid maent yn eu caru ac achosion maen nhw’n credu ynddyn nhw. Y weledigaeth a’r genhadaeth gref hon sy'n gwneud Cowshed yn wahanol i ymgyngoriaethau cyfathrebu eraill ac sydd wedi arwain at dwf cyflym y cwmni mewn dwy flynedd.

Yn ogystal â bod yn Rheolwr Gyfarwyddwr Cowshed, Vicki yw Cyfarwyddwr Creadigol Gŵyl Fwyd y Fenni a Chyfarwyddwr Cynorthwyol Anrhydeddus Cymdeithas Amaethyddol Frenhinol Cymru.