Keith Norris

Ar ôl 20 mlynedd o brofiad rheoli busnes/rheoli pobl, o ddatblygu cynnyrch, i weithgynhyrchu i fanwerthu, yn y 90au dechreuais arni yn y Diwydiant Adnewyddadwy fel yr oedd Ynni Gwynt yn dechrau dod yn opsiwn gwirioneddol ac yn ddewis mwy cynaliadwy na thanwydd ffosil.
Dysgais i addasu a datblygu gyda heriau cynyddol o ansicrwydd gwleidyddol, datblygiadau prosiectau cymhleth, cynnydd technolegol a gorchmynion masnachol, wrth weithio’n barhaus i reoliadau a oedd yn gofyn mwy a mwy a thollau ac ymarferion amrywiol gwahanol farchnadoedd daearyddol.
Cefais amrywiaeth o swyddi gan gynnwys gweinyddu busnes, rheoli prosiectau, adeiladu a gweithredu a chynnal. Yn 2001, bu i mi symud i fyw a gweithio am 5 mlynedd yn UDA, gan ddechrau gyda busnes newydd i adeiladu a gweithredu prosiect tirnod gwirioneddol (Fferm Tyrbinau Gwynt King Mountain – 214 o dyrbinau, 278MW) yn Texas, a oedd ar y pryd y prosiect ynni gwynt mwyaf yn y byd, y cwbl wedi’i gwblhau ac yn weithredol mewn 9 mis, a hynny cyn y dyddiad terfynu ac yn sylweddol is na’r gyllideb.
Rhwng popeth, roeddwn yn rhan uniongyrchol o dros 1.3GW o gynhyrchiad wedi’i fewnosod a rhywbeth yn nesáu at 2GW pellach o brosiectau mewn datblygiad ledled y byd, gyda gwerth y prosiectau yn amrywio o £10 i £300 miliwn.
Yn olaf, 9 mlynedd cyn ymddeol, gweithiais yn y maes caffael yn y DU, ac yna’n gyfrifol am Gydbwysedd Offer ar draws Ewrop, y Dwyrain Canol ac Affrica.
Dros y blynyddoedd rwyf wedi gweithio gyda grwpiau, mawr a bach, o Uwch Reolwyr i lawr, wastad yn gweithio tuag at nod o gynnal enw da wrth ddatblygu timau gweithio effeithlon a phroffesiynol i ddarparu’r gwerth gorau am yr amser a’r arian a fuddsoddwyd. Roedd mentora yn rhan annatod o’r daith honno.