Nigel Nicoll

Mae Nigel Nicoll CA yn rheolwr ariannol lefel uwch sy’n canolbwyntio ar hyn o bryd ar gynllunio busnes, a chynorthwyo busnesau a'r rhai sy’n awyddus i ddechrau busnes i godi arian mewn cyfnod anodd.

Mae Nigel wedi treulio deugain mlynedd yn gweithio ym myd masnach, yn datrys problemau yn bennaf gyda chwmnïau o bob math, o BBaChau i gwmnïau aml-wladol, ac mae’n mwynhau’n arbennig helpu BBaChau i roi strwythur i’w syniadau entrepreneuraidd er mwyn tyfu a datblygu. Yn aml iawn, sicrhau cyllid yw'r broblem unigol fwyaf sy'n eu hwynebu, ac mae ganddo gyfoeth o brofiad o godi arian, yn fenthyciadau ac ecwiti, rheoli ariannol, a chynllunio busnes, yn ogystal â'r cysylltiadau i sicrhau'r canlyniad gorau posibl, yn aml o ffynonellau heblaw banciau ar gyfraddau cystadleuol iawn.

Daeth Nigel yn hunangyflogedig yng nghanol y 1990au ar ôl llwyddo i newid ffawd a gwerthu cwmni dosbarthu diodydd mawr yn Swydd Efrog, gan weithio fel rhan o dîm rheoli dau ddyn. Ymunodd â'r NACFB yn 2007 er mwyn cael mynediad i'r ffynonellau cyllid busnes niferus ac amrywiol sydd ar gael yn y wlad hon gan fod y banciau clirio wedi cau eu drysau i bob pwrpas. Ymgorfforodd Nicoll Solutions Ariannol Ltd ar yr un pryd, ac ers hynny mae wedi gweithio gyda nifer o gleientiaid, yn fach a mawr. Mae hefyd wedi mentora ar y rhaglen Spark Up gychwynnol ar gyfer egin entrepreneuriaid yn Lerpwl. Ymhlith ei gleientiaid presennol mae China Glory Agriculture Ltd, cwmni newydd sbon sy’n bwriadu tyfu llysiau Tsieineaidd yn y DU - mae cyllid sylweddol ar gyfer y fenter honno yn dod o Tsieina.   Mae Interim Care Homes Ltd yn gwmni newydd sbon arall, a bydd yn cynorthwyo'r GIG gyda'i broblemau gydag oedi cyn rhyddhau pobl o’r ysbyty, ond mae angen cryn gyfalaf, a hwyrach y bydd y fenter hon yn cael ei hariannu gan gyfalaf menter yn y pen draw. Yn y ddau achos, NFS sydd wedi gwneud y cynllunio busnes ar gyfer y fenter, gan ei symud ymlaen o’r syniad gwreiddiol, ac mae’n weithgar wrth ddod o hyd i’r cyllid hefyd.

Mae Nigel bellach yn awyddus i ddefnyddio ei sgiliau a’i alluoedd i helpu perchnogion busnesau entrepreneuraidd i gyflawni eu nodau drwy raglen fentora Busnes Cymru.