Proffiliau Mentor

Derbyniais fy hyfforddiant i fod yn ben-cogydd yng Ngholeg Westminster, Llundain ar ddiwedd y 70au, a dyna ble y dysgais bwysigrwydd  cynllunio da - neu​ “mise en place” fel y byddwn ni, ben-cogyddion, yn ei ddweud. Roedd fy swydd amser llawn gyntaf yn y Dorchester Hotel, lle’r oedd Anton Mosimann yn Brif Ben-cogydd. Wrth imi ddatblygu yn fy ngyrfa, aeth y gwaith â mi i Tregenna Castle Hotel yn St Ives, Cernyw lle gefais y cyfle i ddysgu am wasanaethau blaen tŷ a sgiliau goruchwylio eraill.

Helo, fy enw i yw Helen, ac rwyf wrth fy modd fy mod yn gallu cynnig cefnogaeth i fusnesau bach yng Nghymru drwy’r rhaglen fentora.
Rwy’n Gyfrifydd Rheoli cymwys ac mae gennyf 20 mlynedd o brofiad o gynnal busnes gweithgynhyrchu teuluol. Rwy’n gallu cynnig cyngor ac arbenigedd ar y problemau ariannol sy’n wynebu entrepreneuriaid newydd o ddydd i ddydd. O gynlluniau busnes i ragweld llif cyllid, gallaf helpu i symleiddio a datrys dirgelwch yr agweddau ariannol ar redeg busnes bach.
 

Mewn gyrfa amrywiol yn ymestyn dros 30 mlynedd, rydw i wedi bod yn gyfrifol am bob agwedd ar weithrediadau gweithgynhyrchu, gan gynnwys y Gadwyn Gyflenwi, Gweithgynhyrchu, Gwella Prosesau, Systemau Busnes, a Systemau Ansawdd, Amgylcheddol, ac Iechyd a Diogelwch. Rydw i wedi gweithio mewn diwydiannau sy'n amrywio o weithfeydd prosesu i fusnesau gwneud-i-archeb cyfaint isel. Mae llawer o'r prosiectau rydw i wedi ymwneud â nhw wedi croesi ffiniau adrannol, ac o ganlyniad, mae gennyf ddealltwriaeth dda o sut mae busnesau'n gweithio yn eu cyfanrwydd, o'r ymholiad i’r anfonebu.

Rwy’n hyfforddwr / mentor busnes profiadol a chymwys drwy’r Sefydliad Dysgu a Rheoli, ac mae gen i dros 34 mlynedd o brofiad yn y maes uwch reoli a marchnata, yn ddiweddar ar lefel Ewropeaidd a Byd-eang.

Fel hyfforddwr a mentor, rwy’n cynnig man diogel a seinfwrdd cyfrinachol, i’ch cefnogi chi wrth ichi ddatblygu eich busnes yn ogystal â’ch helpu chi wrth ichi ddatblygu fel unigolyn. Fel marchnatwr, rwy’n helpu i ddatblygu strategaethau marchnata a dyfeisio cynlluniau marchnata er mwyn helpu eich busnes i ffynnu.

Wedi ymddeol: cyn-VP a Chyfarwyddwr Gweithrediadau Byd-eang ar gyfer cwmni cynhyrchion diagnostig meddygol yn UDA.

Wedi graddio mewn peirianneg gemegol, mae gennyf brofiad diwydiannol helaeth yn gweithio yn y sectorau diagnosteg cemegol, fferyllol a meddygol.  Roedd fy ngyrfa'n canolbwyntio'n bennaf ar rolau rheoli ac arwain cyffredinol, ac o'r herwydd, rwy'n ystyried fy hun fel “Wil naw crefft ond meistr ar ddim”!  Fy nghryfderau yw gweithio gydag unigolion i ddatblygu eu sgiliau i gyflawni eu nodau busnes, yn enwedig yn y cyfnod o ddechrau busnes.

Gyrfa hynod lwyddiannus yn y diwydiant Bancio am dros 30 mlynedd. Yn ystod y cyfnod hwn cefais fy secondio, ar sawl achlysur i isadrannau eraill, fel Rheolwr Rhanbarthol, gyda'r nod o ddatblygu timau rheoli canol i gyflawni'r holl amcanion a osodwyd ac yn unol â'r Cerdyn Sgorio Busnes Cytbwys.

Ar ôl gadael y Banc, sefydlais fy musnes arlwyo fy hun a dros gyfnod o 9 mlynedd treblais y trosiant a’r phroffidioldeb

Gwerthwyd y busnes yn 2015

Ian Cooke-Tapia yw sylfaenydd a chyfarwyddwr creadigol Cooked Illustrations, sef asiantaeth cyfathrebu gweledol sy’n arbenigo mewn cyfathrebu gwyddoniaeth. Mae cenhadaeth y cwmni’n syml: helpu ymchwilwyr o amgylch y byd i esgor ar effaith ddiwylliannol, wyddonol ac economaidd yn eu hieithoedd brodorol trwy ddefnyddio cyfathrebu gweledol.

Dechreuodd Ian weithio yn 2016 fel darlunydd croniclo ar deithiau maes gwyddoniaeth drofannol. Buan y sylwodd fod gwaith ymchwil yn cael ei wneud o amgylch pobl na fyddant byth bythoedd yn gweld ei ganlyniadau.

Mae Ian yn beiriannydd ac entrepreneur profiadol gyda 30 mlynedd a mwy o brofiad yn y diwydiannau dŵr ac olew alltraeth. Mae'n Hyfforddwr Swyddogion Gweithredol a Mentor Arweinwyr ac yn gweithio gyda sefydliadau sydd am ddatblygu ffordd fwy cydwybodol o weithio, gan gefnogi rhanddeiliaid lluosog ar yr adeg hon o gymhlethdod cynyddol a newid cyflym.

Ar ôl astudio seicoleg, gwyddoniaeth a chwaraeon, ymunais â’r sector manwerthu - cynhyrchion chwaraeon yn benodol. Yn annisgwyl, ar ôl cael swydd dymhorol fel cynorthwyydd, treuliais sawl blwyddyn yn y maes hwn. Wrth i mi ddysgu fy rôl fel rheolwr siop adnabyddus, dysgais am bob agwedd ar y diwydiant ac felly erbyn i mi droi’n 21 oed roeddwn i wedi gweithio fy ffordd i fyny i fod yn rheolwr y siop a datblygais y siop nes bod ganddi drosiant o £3 miliwn y flwyddyn.

Mae James yn Rheolwr Masnachol profiadol, greddfol ac effeithiol ar y rheng flaen, gyda hanes mewn twf busnes. Mae ganddo hanes o ddatblygu cysylltiadau cryf gyda chydweithwyr, cwsmeriaid a chyflenwyr er budd enfawr i nodau ei gwmni.

Mae Straits Line Ltd yn fodd i mi ddarparu ‘Portffolio o Brosiectau’ ar gyfer Datblygiad Masnachol, Arloesedd a Galluogi Twf. Rwy’n gweithio ar draws amrywiaeth o Sectorau - Gofal Iechyd, Ynni a Thwristiaeth.