Proffiliau Mentor

Mae gen i PhD mewn Peirianneg Drydanol ac Electronig. Rydw i wedi gweithio'n helaeth yn y DU a thramor mewn amrywiaeth o swyddi busnes a thechnegol. Mae hyn yn cynnwys mewn cwmnïau fel IBM.

Sefydlais fy musnes yn 2008 yn ystod dyddiau du’r dirwasgiad, gan wneud defnydd da o dâl diswyddo swydd 9 tan 5. Roedd gweithio gyda mentor cefnogol o Busnes Cymru o fudd i mi, a chefais gymorth i adnabod fy marchnad yn fuan iawn.

Rwyf wedi bod yn gweithio fel gweithiwr llawrydd ers 2013 ac yn rhedeg fy musnes fy hun fel hyfforddwr a dylunydd gwe Squarespace dan y brand SQSP Queen (The Wheel Exists yn flaenorol). Cyn hyn, treuliais chwe blynedd yn gweithio ar gyfer sefydliadau cynaliadwyedd, nid-er-elw, gan symud yn raddol tuag at rôl sy’n canolbwyntio’n fwy ar dechnoleg, cyn penderfynu sefydlu fy musnes fy hun.

Rwy'n Arbenigwr Datblygu Arweinyddiaeth ac Adnoddau Dynol Busnes profiadol iawn, gyda hanes amlwg o weithio gydag uwch reolwyr i gyflawni canlyniadau cadarnhaol gyda datrysiadau ymarferol. Rwy'n meddu ar amrywiaeth o sgiliau Hyfforddi, Arwain, Hwyluso, Rheoli Newid a Datblygiad Sefydliadol, ac yn gweithio mewn busnesau mawr a bach. Rwy'n frwd dros helpu busnesau ac unigolion i ffynnu.

Unigolyn gweithgar, llawn dychymyg, wedi ennill ystod eang o brofiad drwy yrfa ryngwladol ym meysydd adnoddau dynol, recriwtio, rheoli cyfrifon, yn ogystal â’r diwydiannau cyfreithiol a rhwydweithio. Datblygwr busnes hynod fedrus, gyda sgiliau rheoli a datblygu perthynas gwych.

Yn ymrwymedig i drefniadaeth wych, gyda dull arwain ymgysylltiol, a'r gallu i ysbrydoli eraill.

Mae gennyf brofiad eang o weithio yn y sectorau cyhoeddus, preifat a dielw, gan gynnwys gofal iechyd, twristiaeth, a dysgu a datblygu. Rwy’n gyn Brif Weithredwr ar elusen sy’n gweithio gyda phobl hŷn, yn gyn Gyfarwyddwr Anweithredol ar ddwy Ymddiriedolaeth GIG, ac wedi gweithio yn un o atyniadau ymwelwyr mwyaf llwyddiannus Ewrop.

Ar ôl 20 mlynedd o brofiad rheoli busnes/rheoli pobl, o ddatblygu cynnyrch, i weithgynhyrchu i fanwerthu, yn y 90au dechreuais arni yn y Diwydiant Adnewyddadwy fel yr oedd Ynni Gwynt yn dechrau dod yn opsiwn gwirioneddol ac yn ddewis mwy cynaliadwy na thanwydd ffosil.
Dysgais i addasu a datblygu gyda heriau cynyddol o ansicrwydd gwleidyddol, datblygiadau prosiectau cymhleth, cynnydd technolegol a gorchmynion masnachol, wrth weithio’n barhaus i reoliadau a oedd yn gofyn mwy a mwy a thollau ac ymarferion amrywiol gwahanol farchnadoedd daearyddol.

Cefais fy ngeni a’m magu yn Nhraeth Coch, Ynys Môn, ac fe wnes i gwblhau fy addysg uwchradd yn Ysgol Syr Thomas Jones, Amlwch.
 Gadewais yr ysgol ym 1978 i ddilyn gyrfa ac i astudio ymhellach yn y sector bancio, gan ymuno â Barclays yng nghangen Llanrwst ym mis Mai 1978.
O fewn fy 5 mlynedd gyntaf gyda Barclays, roeddwn i wedi ennill profiad ar draws pob adran o’r gangen, wedi cwblhau fy arholiadau bancio ac wedi llwyddo i ddod yn Aelod Cysylltiol o Sefydliad y Bancwyr (y Gwasanaethau Ariannol erbyn heddiw).

Rwyf wedi dal swyddi rheolaethol mewn nifer o gwmnïau gweithgynhyrchu yn y diwydiant anrhegion ac ategolion ffasiwn. Ers 30 mlynedd bûm yn ymwneud yn weithredol â masnach ryngwladol. Heblaw am swyddi rheoli gwerthiant cyffredinol a chyfrifon allweddol, gan gynnwys NPD a rheoli gwerthwyr, mae fy mhrif ffocws wedi bod ar ddatblygu gwerthiant tramor. Mae fy mhrofiad yn cwmpasu chwilio am a rheoli asiantau a dosbarthwyr, gosod cyllidebau a strategaeth allforio.

Rwyf wedi cael gyrfa amrywiol yn amrywio o reoli siopau arwerthu i’r diwydiant olew a nwy gyda swyddi fel Rheolwr TG, Rheolwr Banc, Uwch Reolwr Prosiect a Rheolwr Cyffredinol. Rwyf hefyd wedi bod yn heddwas gyda Heddlu Gogledd Cymru. Bellach, mae gennyf set sgiliau amrywiol a threiddgar. Rwyf wrth fy modd yn mynd i’r afael â phroblemau cymhleth, eu datod oddi wrth ei gilydd ac yna cynhyrchu datrysiadau ac mae gennyf brofiad sylweddol o reoli newid a gweithredu newidiadau mewn amgylchedd gwaith dynamig.