Proffiliau Mentor

Rwyf wedi cael gyrfa amrywiol yn amrywio o reoli siopau arwerthu i’r diwydiant olew a nwy gyda swyddi fel Rheolwr TG, Rheolwr Banc, Uwch Reolwr Prosiect a Rheolwr Cyffredinol. Rwyf hefyd wedi bod yn heddwas gyda Heddlu Gogledd Cymru. Bellach, mae gennyf set sgiliau amrywiol a threiddgar. Rwyf wrth fy modd yn mynd i’r afael â phroblemau cymhleth, eu datod oddi wrth ei gilydd ac yna cynhyrchu datrysiadau ac mae gennyf brofiad sylweddol o reoli newid a gweithredu newidiadau mewn amgylchedd gwaith dynamig.

Ar ôl treulio’r 16 mlynedd diwethaf yn arwain fy musnesau BBaCh fy hun rwyf wedi cael llawer iawn o brofiad o bob agwedd ar redeg cwmni. Mae sawl un o’m busnesau wedi cyrraedd pwynt lle llwyddais i adael yn llwyddiannus, gan gynnwys gwerthiannau i sefydliadau rhyngwladol blaenllaw.

Fy rôl i fel mentor busnes yw cefnogi, datblygu ac ysbrydoli perchnogion busnes i wneud y dewisiadau cywir.

Rheolwr cyffredinol cydybodol a hunanysgogol sydd â 17 mlynedd a mwy o brofiad fel uwch reolwr o fewn y diwydiant hamdden, lletygarwch ac adloniant. Sgiliau arwain profedig - gan gynnwys rheoli, datblygu, ac ysgogi timau i gyflawni amcanion y cwmni. Gallu cyfathrebu'n effeithiol gan arddangos sgiliau dadansoddi a datrys problemau heb eu hail ynghyd â llygad craff am fanylion ac ymrwymiad i gynnal gwasanaethau cwsmeriaid o ansawdd uchel.

Y cyntaf yn y diwydiant i ennill gwobrau Trwyddedai’r Flwyddyn y BII ac Enillydd Cenedlaethol Best Bar None yn yr un flwyddyn.

Gadewais yr ysgol gyda llond llaw o gymwysterau a dechreuais weithio’n syth ar Gynllun Hyfforddi Ieuenctid ym 1986, lle dysgais y pethau hanfodol am weinyddu swyddfa. Yn sgil hyn, llwyddais i gael fy swydd gyntaf mewn ffatri ac yna fel gweinyddwr gwerthu gyda chwmni telathrebu, gan gamu ymlaen yn raddol i fod yn rheolwr gwerthu ar gyfer y DU o fewn yr un cwmni.

Yn sgil hyn, dysgais y gall gwaith caled a pharodrwydd i ddysgu dynnu sylw pobl atoch, ac fe wnaeth fy helpu i gamu ymlaen yn fy ngyrfa.

7 mlynedd o brofiad gwerthu // 2 flynedd o brofiad mewn dadansoddeg a deall tueddiadau data // 5 mlynedd yn rhedeg busnes // Llif Arian // SEO – Yn y 1/2 uchaf ar gyfer prif eiriau allweddol ar gyfer meysydd ayyb // Cyfryngau cymdeithasol // Penderfyniadau busnes anodd ac ymddiried yn eich cynllun busnes.

Cychwynnais fy ngyrfa mewn manwerthu moethus drwy weithio i gwmni o’r enw Matchesfashion Roeddwn yn brynwr dillad dynion iddynt ac yn rhedeg 5 allfa adwerthu a rheoli trosiant gwerth miliynau. Gweithiais yn Matches am 9 mlynedd gan deithio’n aml i Milan a Paris ar gyfer cyfarfodydd prynu a helpu i adeiladu’r cwmni i mewn i’r pwerdy ffasiwn fel yr adnabyddir heddiw.

Unigolyn brwdfrydig sydd eisiau llwyddo gyda 17 mlynedd o brofiad o werthu a  rheoli cyfrifon yn y diwydiant Gwyddonol. Wedi troi fy sgiliau i osod masnachfraint gyffrous newydd yn y sector gofal iechyd yn darparu Gwasanaethau Gofal Cartref ledled De Orllewin Cymru. Braint yw cael bod yn rhan o Fentora Busnes Cymru ac rwy’n awyddus i helpu eraill trwy eu siwrnai fusnes.

Siaradwr Cymraeg

Gweithiwr Proffesiynol Egnïol, Brwdfrydig a Dynamig gyda sgiliau datblygu strategol a gweithredol rhagorol. Lisa Stopher yw Cyfarwyddwr Busnes West Wales Holiday Cottages Ltd.

Ar ôl ennill gradd BA (Anrh) mewn Hyrwyddo Ffasiwn a Marchnata, treuliodd Lisa y rhan fwyaf o’i gyrfa yn Calvin Klein Underwear and Jeans, a’i swydd olaf yno oedd Cyfarwyddwr Gwasanaethau Masnachol Ewrop. Mae gan Lisa gefndir health mewn Prynu a Marchnata a Gweithdrefnau Masnachol. Mae hi wedi gweithio i frandiau megis Reebok a Timberland, yn ogystal â siopau’r stryd fawr.

Roedd ei busnes cyntaf, a sefydlwyd tua diwedd y 1980au yn y diwydiant adeiladu, yn gosod seddi, mannau chwarae a graffeg addurnol mewn siopau, tafarnau a bwytai. Yn y 1990au, fe aeth i’r brifysgol gyda diddordeb mewn gwyddoniaeth ac iechyd a drodd yn yrfa mewn cynghori ac yna maetheg. Fe benderfynodd ganolbwyntio ar y diwydiant bwyd, oherwydd y sgiliau oedd ganddi yn sgil ei chefndir busnes.