Proffiliau Mentor

Ar ôl gadael Lluoedd EM, mae Andrew wedi treulio’r blynyddoedd diwethaf yn ennill profiad ym meysydd Adnoddau Dynol ac Ymchwil a Datblygu, ac yntau â hanes blaenorol o gyflawni a llwyddo yn y diwydiannau Caledwedd TG, Milwrol, Telathrebu, Ymgynghoriaeth, Fferyllol, Gwasanaethau, Llywodraeth Leol a Chenedlaethol, a Phetrocemegol ar lefel fyd-eang.
 

Wedi iddo gymhwyso fel biocemegydd, dechreuodd Andy ei yrfa yn y diwydiant bwyd cyn symud i ofal iechyd yn 1980 ym maes profi clefyd siwgr. Mae wedi gweithio i nifer o gwmnïau rhyngwladol mewn rolau gwerthu a marchnata hŷn cyn dychwelyd i'r diwydiant bwyd yn 1992 gyda'r cwmni Biotrace o Gymru.

Rwy’n mentora’n rhan amser yng Nghymru ac o amgylch fy mhrif rôl yn y diwydiant cyfryngau sydd wedi ei leoli yn Llundain.   Mae’r egni yn ystod y cyfnod cynharaf o gychwyn busnesau newydd yn heintus ac y mae’n amser ble y gall fy nghyngor gael yr effaith fwyaf.   

Fel llawer o bobl cefais fy arwain i amrywiaeth eang o sefyllfaoedd busnes gan fy ngyrfa. Ar ôl deuddeg o flynyddoedd yn y Fyddin cefais brofiad o reoli gweithgynhyrchu arbenigol ar gyfer y diwydiant argraffu, mewn gweithredu meddalwedd rheoli warws ac mewn cadwyn gyflenwi fyd-eang ar gyfer cwmnïau dyfeisiadau meddygol.

Yn ddiweddar ymddeolais o The Prince’s Trust Cymru ble y gweithiais am 13 blynedd fel Rheolwr Menter yn cefnogi pobl ifanc gyda syniad busnes i sefydlu eu busnes eu hunain. Roeddwn hefyd yn Rheolwr Gwirfoddoli a Secondiadau, yn hyfforddi gwirfoddolwyr i fentora’r bobl ifanc hyn.

Cyn ymgymryd â secondiad gyda’r Trust, gweithiais am 24 mlynedd i Fanc Barclays ble roedd fy rolau niferus yn cynnwys Hyfforddi Perfformiad a Rheolwr Cangen.

Mae gennyf gymwysterau cwnsela, hyfforddi ac asesu NVQ ac rwyf wedi bod yn Ynad am y 11 mlynedd ddiwethaf, yn gwasanaethu ar fainc Gwent.

Cymrawd siartredig o’r IPD gyda gradd feistr mewn HRM a CMI Lefel 7 mewn rheoli ac arweinyddiaeth Strategol. 

Rwy’n strategydd busnes gyda dros 10 mlynedd o brofiad sy’n amrywio o amgylcheddau corfforaethol i fusnesau newydd.

Ar hyn o bryd, fy mhrif swydd yw rheolwr Perthnasau mewn cwmni ymgynghorol sy’n arbenigo mewn caffael cyllid i sicrhau tyfiant ar gyfer busnesau B2B SaaS. Yn y swydd hon, rwy’n gyfrifol am y gweithdrefnau busnes a marchnata, gan gynnwys ymgysylltu â chleientiaid a phartneriaid, a gweithio gyda busnesau technoleg mwyaf llwyddiannus y DU, entrepreneuriaid sefydledig ac arbenigwyr diwydiannol yn y maes.

Yn Awdures lwyddiannus, Siaradwraig, Strategydd Busnes, mae Bernie Davies wedi hyfforddi cannoedd o fusnesau o’r Sector Preifat a’r Sector Cyhoeddus, ers cyn belled yn ôl â 2009. Mae hi wedi hyfforddi’n fewnol ar gyfer Tîm Datblygiad Economaidd Cyngor Caerdydd, Johnson &  Johnson, Bwrdd yr Iaith Gymraeg, Prosiect Chwarae Teg Agile Nation a 4Ward Development, i enwi rhai yn unig. Yn bersonol, mae Bernie wedi cyflwyno seminarau hyfforddiant misol di-ri, hynod boblogaidd i nifer o gannoedd o fusnesau yn ne Cymru.

Mae Beverley Jones yn disgrifio 2009 fel ei 'annus horribilis'; y flwyddyn pan aeth ei gyrfa gorfforaethol 30 mlynedd i’r gwellt pan gafodd ddiagnosis o iselder a gorbryder. Cymrodd flwyddyn i wella, ac ym mis Awst 2010 agorodd ddrysau ei busnes hyfforddi, Awaken. Yn sgil ei phrofiad, mae Beverley bellach yn byw ei gweledigaeth a’i breuddwyd o fod yn awdur cyhoeddedig a pherchennog busnes llwyddiannus. Fel hyn mae hi’n parhau i helpu llawer o bobl eraill i ddeall bod cyfoeth yn dechrau o fewn ac nid yn y byd ffisegol, materol.

Yn 1979 dechreuais fy ngyrfa mewn peirianneg, gyda hyfforddiant ar sail ymarfer mewn prentisiaeth. Gweithiais fy ffordd i fyny'r raddfa ac yn 1988 cymhwysais fel peiriannydd.
Mae fy mhrofiadau ers cymhwyso wedi bod yn amrywiol, fel a ganlyn:
-    Ers 1989, rolau peiriannydd dylunio a datblygu ble mae eglurder syniad, dylunio a datblygiad, a dadansoddiad costau gydol oes yn dod law yn llaw. Mae nifer o'r rolau wedi cynnwys cyfrifoldebau arweinydd tîm gan gynnwys rhannu llwyth gwaith, cyflogi a diswyddo.