Gwaith Teg
A ydych chi wedi ystyried sut y gallai eich busnes elwa o ddarparu Gwaith Teg? Gall mabwysiadu a chynnal arfer da wrth fynd ati i recriwtio, rheoli, ymgysylltu a datblygu eich gweithwyr arwain at fanteision enfawr gan gynnwys:
- denu, cymell a chadw staff
- tynnu ar gronfa fwy amrywiol o dalent
- codi ysbryd y staff
- elwa ar staff mwy ymroddedig
- ychwanegu ar eich enw da, ymhell ac agos
- gweithlu mwy medrus
- cynyddu cynhyrchiant
- gostwng trosiant staff a'r costau cysylltiedig
Mae ein Canllaw i Waith Teg yn rhoi enghreifftiau defnyddiol i'ch helpu i ddeall sut i roi Gwaith Teg ar waith yn eich busnes, gan edrych ar feysydd megis:
- Talu'r Cyflog Byw Gwirioneddol
- Caniatáu mynediad i'r Undebau Llafur
- Cynnig contractau diogel a hyblyg
- Darparu mynediad at gyfleoedd hyfforddi a datblygu o ansawdd da
- Dasglu data i olrhain amrywiaeth y gweithlu ac adnabod bylchau cyflog
- Sicrhau bod prosesau effeithiol yn eu lle i fynd i'r afael â bwlio, aflonyddu a gwahaniaethau yn y gweithle
- Deall rhwymedigaethau statudol a chadw atynt
- Dileu arferion cyflogaeth anfoesol ac anghyfreithlon yn eich cadwyni cyflenwi
Gall y wybodaeth sy'n cael ei chyflwyno yma eich helpu i ddeall eich rhwymedigaethau gwaith teg tuag at eich staff presennol a staff yn y dyfodol, ac i nodi'r hyn sy'n arfer da o ran cyflogadwyedd a sgiliau.
Gwybodaeth i fusnesau a chyflogwyr yn ymwneud â gwaith teg ac iechyd a llesiant yn y gweithle.
A programme to support and encourage employers to create healthy working environments for their staff.
Ymgyrch i wneud Cymru'n Wlad Gwaith Teg drwy fynd i'r afael â chyflogau isel, a chael gwared ar arferion cyflogaeth anghyfreithlon ac anniogel.
Ysbrydoli ac ymgysylltu â busnesau i fabwysiadu arferion busnes cyfrifol a gwaith teg.
Gwybodaeth ynghylch sut y gallwch ychwanegu gwerth mewn meysydd busnes allweddol gan gynnwys y ffordd rydych yn gofalu am eich staff yn eich gweithle.