Proffiliau Mentor

Rwyf wedi bod yn rhan o ddiwydiannau ceisiadau’r we a datblygu busnes ers dros 14 o flynyddoedd. Rwy’n gyfarwyddwr ac yn aelod o nifer o gwmnïau meddalwedd technolegol. Rwyf wedi arwain aelodau ynghylch Eiddo Deallusol ac wedi rhannu profiad gwerthfawr wrth greu cwmni sefydlu.
Mae fy mhrofiad mewn meysydd marchnata, eiddo a thechnoleg. Rwy’n canolbwyntio ar ddefnyddio gwelliannau meddalwedd a’u cyfuno â phrosesau wedi eu cynllunio’n ofalus. Mae hyn yn cynnwys agweddau o beirianneg marchnata, gwasanaeth cwsmer, datblygiad, cynllunio a gweithredu.

Rwyf wedi bod yn fentor a hyfforddwr busnes cymwys ers dros 20 mlynedd, yn gweithio gyda busnesau cychwynnol, a busnesau twf uchel o bob maint a sector; rwyf wedi helpu gyda cheisiadau grantiau, cyllid a chyfalaf; wedi cynnal adolygiadau helaeth o’u systemau, prosesau a gweithdrefnau i sicrhau eu bod yn addas at y diben ac nad ydynt yn rhwystr i berfformiad. Rwy’n hyfforddi hyfforddwyr a mentoriaid ar hyn o bryd trwy’r Ganolfan Reoli/Datblygiad Proffesiynol Grŵp Llandrillo Menai.

Ar ôl gweithio i un o 100 cwmni Cyfnewidfa Stoc y Financial Times (FTSE) am 24 mlynedd, gan gynnwys 17 mlynedd yn datblygu marchnadoedd tramor yn Ewrop, Canolbarth America a'r Caribî, mae fy mhrofiad yn eang, gan gynnwys arwain uned fusnes strategol, ymchwil a datblygu marchnadoedd newydd, dod o hyd i gyfleoedd i ddarparu proffidioldeb ac elw ar fuddsoddiad.

Rwy’n werthwr masnachol sydd yn canolbwyntio ar y cwsmer, gyda bron i 20 mlynedd o brofiad mewn amrywiaeth o swyddi uwch yn gweithio ar draws gwahanol farchnadoedd. Rwy’n arbenigo mewn cynllunio strategol a marchnata, datblygu busnes a chynnyrch – gan fusnesau i brynwyr a rhwng busnesau. Rwyf hefyd wedi darparu’r ochr farchnata ar gyfer prosiectau masnachol mawr, gan gynnwys rhedeg yr Ymgyrch Gyfathrebu ar gyfer y darn £1 newydd a rheoli rhaglen gyfan Darnau Arian a Medalau Llundain 2012.

Rheolwr gyfarwyddwr sy’n cael ei ysgogi gan ganlyniadau, hunanysgogol a medrus, sydd â hanes profedig o ddatblygu a chryfhau timau rheoli i uchafu proffidioldeb ac effeithiolrwydd cwmni. Profiad o arwain a thyfu bob sector busnes i’w wneud yn sefydliad dynamig a blaengar. Yn meddu ar sgiliau cyfathrebu rhagorol a’r gallu i sefydlu cysylltiadau cynaliadwy a phroffidiol gyda chwsmeriaid, cyflenwyr a rhanddeiliaid ar draws byd busnes.

Gweithio am 30+ o flynyddoedd yn y diwydiant bwyd a diod mewn swyddi gwerthu, marchnata a datblygu busnes ar draws y rhan fwyaf o sectorau masnach gan gynnwys siopau groser cadwyn, disgowntwyr, cyfanwerthu, gwasanaeth bwyd, gweithgynhyrchu contract a mwy. Diwydiannau yn cynnwys, ond heb fod yn gyfyngedig i felysion, diodydd ysgafn, bwyd môr oer, becws a byrbrydau iach.

Rydw i wedi gweithio yn y sector ffitrwydd am dros 25 mlynedd, yn gweithio fy ffordd i fyny o fod yn hyfforddwr i Reolwr Cyffredinol gyda rhai o'r cadwyni mwyaf yn y DU. Rydw i wedi rhedeg fy musnes fy hun am y pymtheg mlynedd diwethaf ar ôl ei sefydlu o ddim. Rydw i'n treulio llawer o amser yn datblygu sgiliau gofal cwsmeriaid rhagorol ac yn ymgorffori'r rhain yn y busnes. Mae hyn yn helpu gyda gwerthiant a hefyd gyda chadw cwsmeriaid.    Rydw i hefyd o’r farn fy mod i’n greadigol ac yn arloesol ac wedi llywio nifer o ddatblygiadau newydd.

Mae gennyf 33 mlynedd o brofiad yn y diwydiant, a threuliais 25 ohonynt o fewn rheolaeth a swyddi arweinyddol. Rwyf wedi treulio’r 20 mlynedd diwethaf yn byw a gweithio yn Ewrop, De Affrica, De Asia a’r Dwyrain Canol. Mae gennyf MBE a Chymrodoriaeth mewn Rheolaeth ym Mhrifysgol Cranfield.

Mae Dr Peter Bannister wedi bod mewn swyddi uwch weithredol mewn llawer o gwmnïau uwch-dechnoleg sydd wedi deillio o brifysgolion, mae ganddo dros 15 mlynedd o brofiad o drosi technolegau delweddu newydd o’r lab i’r farchnad. Mae hefyd wedi bod yn uwch gynghorydd i gwmnïau sy’n gweithio mewn meysydd fel deallusrwydd artiffisial a llawdriniaeth sydd mor anymwthiol â phosib. Mae wedi gwneud cynigion llwyddiannus am dros £4 miliwn mewn grantiau’r sector cyhoeddus ac wedi bod yn allweddol wrth godi dros £13 miliwn mewn cyllid cyfalaf menter ar draws nifer o fusnesau newydd.

Rydw i wedi treulio'r 27 mlynedd diwethaf yn datblygu fy arbenigedd technegol a’m sgiliau personol. Mae cleientiaid eisoes yn gweithio gyda mi ar brosiectau archwilio / cyfrifon a threth, yn ogystal â chynlluniau datblygu busnes a mentora.

Yn y blynyddoedd diwethaf rydw i wedi bod yn cynorthwyo cleientiaid mwy a mwy gyda'u gwaith marchnata a datblygu busnes yn gyffredinol. Rydw i bob amser wedi chwarae rhan weithgar yn fy ngwaith datblygu busnes a marchnata fy hun.