Ffeithiau Fferm Tyreglwys

Mae Fferm Arddangos Tyreglwys yn cael ei ffermio gan Geraint Thomas a’i deulu.
Mae Geraint yn ffermio mewn partneriaeth â’i rieni, Rhys a Margaret a’i wraig Sheryl, sydd hefyd yn gweithio’n rhan amser oddi ar y fferm.
Mae’r fferm yn cael ei rheoli gan Geraint a’r teulu, gan weithio gydag un aelod o staff llawn amser ynghyd â godrwr achlysurol.

Llaeth

Mae’r fuches Gwynnog yn cynnwys 165 o fuchod Ayrshire a Holstein pedigri, gyda’r ddau frîd yn cynrychioli hanner y fuches.
Mae’r buchod yn fuchod llaethog a gwerth geneteg uchel. Mae’r cynhyrchwyr uchaf yn cael eu cadw dan do dros nos drwy gydol y flwyddyn. Defnyddir dogn TMR gan ddefnyddio ychydig o ddwysfwyd a silwair a dyfwyd gartref, ond mae corn wedi’i grimpio hefyd yn cael ei brynu i mewn i’w gynnwys yn y dogn.
Mae’r fferm yn cyflenwi cwmni Muller Wiseman ar gytundeb hylif, gan dargedu lefelau cyfansoddion dros y litr safonol (4% braster, 3% protein). Mae’r strwythur prisio’n cynnwys bonws ar gyfer faint a gynhyrchir, felly mae’r cynhyrchwyr uchaf yn cael eu cadw dan do dros nos ar gyfer bwydo ychwanegol.
Y cyfnod presennol rhwng lloea yw 430 diwrnod, a’r nod yw lleihau’r cyfnod hwn gan wella’r dulliau o ganfod pryd y mae’r fuwch yn gofyn tarw.
Mae siediau gwartheg yn amrywio o gytiau gwartheg, ciwbiclau a siediau agored. Mae’r siediau agored yn cael eu neilltuo ar gyfer da byw sy’n cael eu harddangos.
Mae amodau ar y fferm yn wlyb, gan droi’r anifeiliaid allan yng nghanol mis Ebrill fel arfer.

Defaid

Mae contractwyr yn gwneud yr holl waith slyri, silwair a thorri cloddiau.
Mae’r teulu wedi cael llwyddiant mewn sioeau gyda gwartheg Holstein yn ogystal a’r Ayrshire, gan ennill yn Sioe Laeth Cymru yn 2015.
Mae llwyddiannau eraill yn cynnwys ennill yn Sioe Amaethyddol Frenhinol Cymru a nifer o wobrau mewn sioeau cenedlaethol.
Mae Geraint yn weithgar yn y gymuned amaethyddol gan fod yn rhan o nifer o bwyllgorau ac mae’n gadeirydd Clwb Ayrshire De Cymru.

Cysylltwch â ni