Gwasanaeth Cynghori
Cyngor arbenigol i wella perfformiad busnes a thechnegol
Mae'r Gwasanaeth Cynghori yn darparu cyngor arbenigol annibynnol, cyfrinachol ac wedi’i deilwra ar gyfer Ffermwyr Cymru.
Ein nod yw sicrhau eich bod yn:
- elwa o gefnogaeth busnes a/neu gyngor technegol, wedi'i deilwra i anghenion eich busnes
- trawsnewid yn effeithiol i'r Cynllun Ffermio Cynaliadwy newydd
- lleihau costau trwy gynyddu effeithlonrwydd ar draws pob maes o'ch busnes
- meincnodi eich perfformiad ac yn gweithio tuag at gynnydd a thwf
- adnabod meysydd i wella a chanfod atebion i broblemau
- Wedi'i ariannu 90% hyd at uchafswm o £3000 am bob busnes cymwys i gael mynediad at gyngor busnes a thechnegol. Mae Swyddogion Datblygu wrth law i gefnogi ffermwyr gyda'r broses ymgeisio.
- Cyngor un-i-un:
wedi’i ariannu 80% hyd at uchafswm o £1400 am bob achos o gyngor - Cyngor grŵp: wedi’i ariannu 90% hyd at uchafswm o £1000 i bob aelod o’r grŵp. Gall rhwng tri ac wyth o fusnesau ymgeisio ar gyfer cyngor fel grŵp.
- Menter ar y cyd: wedi’i ariannu 100% hyd at uchafswm o £1750 i bob aelod o’r grŵp.
- Mae’n rhaid i unrhyw un sy’n cael mynediad at y gwasanaeth cynghori fel unigolyn neu fel rhan o grŵp fod wedi cofrestru gyda Cyswllt Ffermio.
- Gall busnes gael mynediad at ddau achos o gyngor technegol yn y flwyddyn gyntaf.
- Gall busnes gael mynediad at un achos o gyngor grŵp technegol drwy gydol y rhaglen.
Ydych chi’n barod i ymgeisio?
Cyn gwneud cais ar gyfer cyngor cynllunio busnes neu gyngor technegol sydd ar gael fel rhan o Wasanaeth Cynghori Cyswllt Ffermio, bydd angen i chi:
• gofrestru gyda Cyswllt Ffermio - bydd angen i bob busnes sy’n gwneud cais ar gyfer y Gwasanaeth Cynghori fod wedi derbyn e-bost neu lythyr gan Cyswllt Ffermio’n cadarnhau eu bod wedi cofrestru.
• wirio eich cymhwysedd ar gyfer y Gwasanaeth Cynghori.
Categorïau cynllunio busnes a thechnegol
…eich cynorthwyo i gyflawni eich nodau busnes a’ch amcanion technegol
|
Categori |
Cyfyngiadau gwasanaeth |
|
Busnes ffermio sefydledig |
Hyd at 90% o gyllid ar gael i gael mynediad at gyngor busnes a thechnegol. Cyfyngedig i £3,000 fesul busnes cymwys (cyfyngiadau yn berthnasol) |
|
Systemau ffermio / garddwriaeth arbenigol o dan 3ha |
Bydd hyd at 90% o gyllid ar gael i gael mynediad at gyngor busnes a thechnegol, wedi’i gyfyngu i £3,000 fesul busnes cymwys (cyfyngiadau yn berthnasol) |
|
Newydd-ddyfodiaid |
Bydd hyd at 100% o gyllid ar gael fesul achos i gael mynediad at un enghraifft o gymorth ymgynghorol (Cynllunio Busnes) dros gyfnod y rhaglen. |
Cliciwch yma i weld y Meini Prawf Cymhwyster.
Mae’r linciau isod (o dan 'Categorïau Cyngor') yn amlinellu’r categorïau cyngor busnes a chefnogaeth dechnegol sydd ar gael fel rhan o’r Gwasanaeth Cynghori. Gobeithio y bydd y disgrifiadau byr yn eich galluogi i wneud penderfyniadau deallus ynglŷn a pha gategori/categorïau fyddai o fwyaf o fudd i’ch busnes, ond os oes angen gwybodaeth neu arweiniad pellach, cysylltwch â’ch Swyddog Datblygu lleol.
Sut i wneud cais
I ymgeisio a chymryd mantais o’r cyngor sydd ar gael trwy’r gwasanaeth cynghori, cysylltwch â’ch Swyddog Datlygu lleol heddiw neu cysylltwch â ni ar:
03456 000 813 / cyswlltffermio@menterabusnes.co.uk / Facebook.com/FarmingConnect / @FarmingConnect
Rydym yn croesawu galwadau yn Gymraeg.
Mae Canolfan Wasanaeth Cyswllt Ffermio ar agor rhwng 9am a 5pm o Ddydd Llun i Ddydd Gwener, ac eithrio wyliau cyhoeddus.
