Pengelli

Nodau’r prosiect:

• I ddangos y broses o drosi uned bori sefydlog bîff a defaid i system bori gylchdro a’r manteision cysylltiedig.
• Bydd y prosiect yn amlygu’r holl ystyriaethau ymarferol wrth rannu’r fferm yn ddarnau a gosod y seilwaith perthnasol a chynnig patrwm ar gyfer gwaith trosi o’r fath.
• Er gwaethaf y potensial y gall pori cylchdro wella’r defnydd o laswellt, ei dyfiant a’i ansawdd, eithriad yw’r systemau yma ar ffermydd bîff a defaid yn hytrach na’r drefn arferol. Bydd y prosiect yn ymdrin â her rheoli porthiant i ddefaid a gwartheg a chynnig atebion ymarferol i systemau cymysg.
• Bydd cost yr hectar sefydlu system o’r fath yn cael ei gofnodi, ynghyd â chynnydd pwysau dyddiol yr ŵyn. Defnyddir data cofnodi perfformiad hanesyddol i werthuso pa effaith y bydd trosi o bori sefydlog i bori cylchdro yn ei gael ar berfformiad yr anifeiliaid.
• Bydd tyfiant ac ansawdd y glaswellt yn cael eu monitro trwy gydol y prosiect a bydd yr elw ar y buddsoddiad yn cael ei asesu.