Yn y bennod yma byddwn yn clywed mwy am sut y mae fferm gymysg wedi adeiladu gwytnwch i’w busnes, a byddwn yn ymuno â digwyddiad ar fferm Cefn Llan yn trafod pwysigrwydd porfa mewn system da byw. Ymhellach, byddwn yn clywed sut y mae cynnal profion genomeg ar heffrod llaeth ar fferm ger yr Wyddgrug wedi arwain at fudd economaidd; trafod effaith cynhyrchu porthiant cartref ar broffidioldeb menter teirw bîff a chlywed am fenter ar y cyd ar fferm yng Ngheredigion.
