Pethau i'w hystyried wrth gychwyn ar unrhyw dasg ar Fferm

Sicrhewch mai personau sy’n gymwys ac wedi cael hyfforddiant swyddogol gyda gweithio’n ddiogel neu’r rheiny sy’n derbyn hyfforddiant o dan oruchwyliaeth sy’n gweithio’r ATV.
Ydych chi wedi cael yr hyfforddiant briodol? Pam na wnewch chi fynychu cwrs hyffordiant achrededig Cyswllt Ffermio?
Ydych chi’n gwisgo helmed bob tro? Os na, pam ddim? Does dim cab na bar gwrthrolio ar ATV, felly eich dillad yw’r unig beth sy’n eich diogelu.
Ydy’ch ATV yn cael ei gynnal a’i gadw’n ddigonol? Pryd oedd y tro diwethaf i chi edrych dros eich ATV cyn ei ddefnyddio?

Am fwy o wybodaeth,cliciwch yma

Ydych chi’n gymwys ac yn gyfarwydd â gweithio’r peiriant a’r PTO rhwng y tractor a’r peiriant yn ddiogel?
Ydych chi wedi cofio i AROS YN DDIOGEL os ydych chi angen edrych dros yr offer, gwneud gwaith cynnal a chadw neu glirio rhwystrau?

AROS YN DDIOGEL

Ydych chi’n defnyddio’r cyflymder cywir ar gyfer y peiriant a’r siafft?

Os yw peiriant yn cael ei ddefnyddio ar gyflymder uwch nag a gynlluniwyd ar ei gyfer, bydd gormod o bwysau arno a gallai chwalu. Gallai hyn gael ei achosi gan gyflymder anghywir ar gyfer y siafft neu gyflymder rhy uchel wrth ddefnyddio addaswr.

Am fwy o wybodaeth, cliciwch yma

Sicrhewch mai personau sy’n gymwys ac yn gyfarwydd â gwartheg, neu’r rheiny sy’n derbyn hyffprddiant o dan oruchwyliaeth sy’n cael mynd i mewn i barlwr/lloc/sied wartheg a thrin y gwartheg, yn enwedig os yw’n golygu gweithio gyda theirw.
Pan fo’n bosib, sicrhewch bod dau berson yn bresennol yn enwedig os ydych chi’n ceisio gwahanu anifail oddi wrth weddill y fuches neu’n trin teirw.
Ystyriwch y peryglon ar gyfer pobl dros 65 oed neu’r rheiny sy’n llai ystwyth- efallai na fyddant yn medru symud o’r ffordd mor gyflym pan fyddai angen.
Ni ddylai plant o dan 13 oed gael mynediad i sied wartheg neu gyfleuster trin gwartheg.

Am fwy o wybodaeth, cliciwch yma

Oes modd OSGOI gweithio o uchder?
Os yw’r gwaith yn eich gorfodi i fod ar ysgol sy’n pwyso neu ysgol fach am fwy na hanner awr ar y tro, dylech chi ddefnyddio offer gwahanol.
Sicrhewch mai’r gweithwyr sy’n gymwys ac wedi arfer â gweithio’n ddiogel gyda’r offer, neu’r rheiny sydd o dan oruchwyliaeth hyfforddiant yn unig sy’n cael defnyddio’r ysgol neu’r ysgol fach.
Dewisiwch yr ysgol orau ar gyfer y gwaith. Cofiwch ystyried y cyfyngiad pwysau a’i uchder hefyd. Mae nifer o anafiadau yn digwydd gan fod ysgolion yn rhy fyr ar gyfer tasg benodol ac yn hytrach na dewis ysgol newydd ar gyfer gwneud y gwaith, mae gweithwyr yn gosod yr ysgol ar ben rhywbeth er mwyn ymestyn ei gyrhaeddiad, neu’n sefyll ar y gris uchaf er mwyn cyrraedd yr uchder angenrheidiol. Nid dyma’r ffordd gywir.

Am fwy o wybodaeth, cliciwch yma

Cysylltwch â ni