Diweddariad prosiect Dolygarn - Awst

System ddŵr ar gyfer caeau sydd wedi’u rhannu yn Nolygarn

Un o’r prif heriau wrth ystyried gweithredu system pori cylchdro a rhannu caeau mawr yw’r cyflenwad dŵr. Dyma un o’r ffactorau mwyaf heriol i James Powell yn bendant, wrth iddo ystyried rhannu ei gaeau gyda rhai mor fawr â 60 erw. Un o brif amcanion y prosiect hwn oedd cyfrifo costau ariannol ar gyfer sefydlu system bori cylchdro; prisio’r isadeiledd sydd ei angen yn ogystal â’r adenillion ar fuddsoddiad. Mae James Daniel, ymgynghorydd gyda Precision Grazing, wedi llunio system ddŵr posib yn ogystal â rhaniad sylfaenol ar gyfer 6 o gaeau mwyaf Dolygarn (fel y gwelir isod). Bydd cynnydd pellach yn araf nes bod y buddsoddiadau wedi cael eu gwneud. Mae buddsoddiad o £10,000 wedi cael ei gyfrifo er mwyn gosod y system ddŵr isod.

Mae’r tabl isod yn dangos lled y Beipen y byddai ei hangen mewn pob cae;

Rhannu caeau Dolygarn

Tua £3,000 yw’r amcan gost ar gyfer buddsoddi mewn isadeiledd er mwyn rhannu 6 o gaeau mwyaf Dolygarn. Heb y buddsoddiad hwn, mae’r 6 cae mwyaf (tua hanner y fferm) yn peryglu allbwn y fferm a’r gallu i ddogni porthiant yn ystod y gaeaf.

Mae’r tabl isod yn dangos hyd y ffens y byddai ei hangen er mwyn rhannu 6 o gaeau mwyaf Dolygarn ar gyfer dechrau system bori cylchdro sylfaenol;

Y cam nesaf i James fydd penderfynu a yw am fuddsoddi tua £13,000 mewn isadeiledd dŵr a ffensio er mwyn gweithredu system bori cylchdro llawn yn Nolygarn. Amcangyfrifir y byddai’r adenillion ar y buddsoddiad yn talu amdano’i hun yn llawn o fewn 2 flynedd, trwy arbed ar gostau prynu porthiant a phori oddi ar y fferm yn ystod y gaeaf, yn ogystal â’r cynnydd mewn allbynnau.