Diweddariad terfynol arbrawf india-corn ar fferm Gwern y Go

Prif ganlyniadau

• Roedd ychwanegu cynnyrch QLF L-CBF BOOSTtm a Corteva Instinct at gnwd india-corn yn gysylltiedig â chynnydd o 2.5 tunnell/hectar mewn cynhyrchiant
• Roedd yr elw ar fuddsoddiad o ganlyniad i ychwanegu’r cynhyrchion yn 170%
• Gall mapiau gwres o’r peiriant cynaeafu porthiant helpu i wneud y defnydd gorau o’r cynllun rheoli maetholion at y dyfodol
• Tyfodd yr amrywiaeth india-corn Portabello lawer mwy o dunelli fesul hectar nag amrywiaethau eraill ar y fferm (Sylwer y gall y gwahaniaeth rhwng y caeau fod wedi effeithio ar y canlyniadau)

Cefndir

Tyfwyd cyfanswm o 40 hectar (98 erw) o india-corn ar fferm Gwern y Go yn 2025, y mwyafrif yn fath o’r enw “Pioneer 7179”, 12 erw o fath “Portabello”, a 12 erw o fath “Debalto”, gyda’r holl gnwd yn cael ei gynaeafu a’i werthu i waith treulio lleol.

Roedd yr arbrawf ar fferm Gwern y Go yn cymharu a fyddai “L-CBF BOOSTtm”, sef gwrtaith carbon hylifol sy’n bwydo microbau yn y pridd ac yn cynyddu faint o faetholion allweddol sydd ar gael, ac “Instinct”, sef cynnyrch sefydlogi nitrogen a phroses nitreiddio sy’n cadw nitrogen yn y pridd am gyfnod hirach, yn cynyddu cynnyrch posibl y cnwd. Mae manteision posibl eraill yn cynnwys lleihau colledion nitrogen drwy ddŵr ac ocsid nitrus i’r aer.

Diben y gwaith

1. Canfod a yw ychwanegu cynnyrch QLF L-CBF BOOSTtm a Corteva Instinct yn cynyddu cyfanswm cynnyrch y cnwd
2. Cyfrifo’r elw ar fuddsoddiad o ganlyniad i ychwanegu’r cynhyrchion

Yr hyn a wnaed

Casglwyd samplau o bob un o’r caeau gan yr agronomegydd, Juliet Anderson, gan ddefnyddio prawf sbectrwm eang ar gyfer cynllunio rheoli maetholion. Cafodd y cynhyrchion “Instinct” a QLF Boost eu gwasgaru ar bob un o’r caeau heblaw am ddau, lle cafodd un ei adael heb unrhyw gynnyrch, a’i ystyried yn llain reoli, a chafodd y llall ei rannu’n ddwy ran i ddarparu llain reoli a llain gyda thriniaeth.

• Gwasgarwyd cynnyrch QLF boost yn ystod chwistrellu cyn ymddangosiad y cnwd ar gyfradd o 10L/ha
• Gwasgarwyd cynnyrch Instinct gan Corteva wrth chwistrellu ar ôl ymddangosiad y cnwd ar gyfradd o 30L/ha
• Felly, nid oedd angen gwasgaru mwy na gwario mwy i wasgaru’r ddau gynnyrch yn ystod yr arbrawf

Roedd canlyniadau’r arbrawf yn seiliedig ar gynnyrch y cnwd wrth gynaeafu, gyda’r ôl-gerbydau a ddefnyddiwyd i gludo’r cnydau’n cael eu pwyso ar glorian a samplau deunydd sych yn cael eu casglu wrth gyrraedd y gwaith treulio. 
Canlyniadau 

Tabl 1. Cyfanswm y tunelli a’r tunelli a dyfwyd fesul hectar yn ystod yr arbrawf
 

• Cafwyd cynnydd o 2.476 tunnell/ha  mewn pwysau o india-corn ffres a dyfwyd fesul hectar ar y caeau lle cafodd y cynhyrchion eu defnyddio
• Arweiniodd hyn at elw ar fuddsoddiad o 170% i’r ffermwr yn seiliedig ar y £/tunnell a dderbyniwyd gan fferm Gwern y Go am eu cnydau india-corn yn 2025 heb gynnwys cost y cynnyrch. 
   

Ffigur 1. Y cnwd india-corn yng nghanol mis Awst 2025 - gyda thriniaeth ar y chwith a’r ardal reoli ar y dde

Ffigur 2. Mapiau gwres cynnyrch o’r cae arbrofol. “T” yw ardal y driniaeth a “C” yw’r ardal reoli 

Tabl 2. Cynnyrch fesul hectar o’r amrywiaethau india-corn gwahanol a dyfwyd yn 2025