Diweddariad Prosiect Mai 2019 - Rheoli Dail Tafol

Rheoli dail tafol mewn porfeydd parhaol heb feillion coch.

Gall dail tafol arwain at lawer o gystadleuaeth mewn caeau pori’r gwanwyn gan eu bod yn ymateb yn dda i nitrogen yn debyg iawn i laswellt, felly pan fo nitrogen yn cael ei wasgaru ar y borfa i hybu twf glaswellt cynnar, gallwn hefyd weld cynnydd mawr ym maint y dail tafol yn y cae. Mae chwistrellu’n debygol o fod yn gost effeithiol pan fo dail tafol yn gorchuddio o leiaf 10% o arwynebedd y cae. Er mwyn cyfrifo gorchudd y dail tafol, cyfrwch nifer y dail tafol mewn ardal sy’n ymestyn 2.5m bob ochr i chi a 7m o’ch blaen (35m2), gan fod nifer y dail tafol yn yr ardal hon yn gyfwerth â chanran gorchudd y dail tafol. Mae’r prosiect Cyswllt Ffermio ar fferm Newton Farm yn edrych ar effeithlonrwydd ac elw o fuddsoddiad gwahanol chwistrelli i gynorthwyo i reoli dail tafol. Rydym ni wedi mesur lefel cychwynnol y dail tafol, sy’n dangos dros 20% ac rydym ni wedi defnyddio gwahanol driniaethau rheoli dail tafol sydd ar gael ar hyn o bryd. Ar y caeau sy’n cynnwys meillion, byddwn yn defnyddio cynnyrch sy’n ddiogel i’w ddefnyddio gyda meillion. Rydym ni’n cymharu rheolaeth dail tafol mewn porfeydd parhaol a ddefnyddir ar gyfer pori cylchdro ar ardal o 15 ha gydag a heb feillion. Byddwn yn defnyddio chwistrelliad unigol yn ystod y gwanwyn ar y mwyafrif o’r caeau ond byddwn yn rhannu’r gyfradd dros y gwanwyn a’r hydref mewn rhai caeau i gymharu effeithiolrwydd. Ni fydd rhai ardaloedd ar y fferm sy’n cynnwys dail tafol yn derbyn triniaeth, a dyma fydd yr ardal rheoli. Er enghraifft, ar un o’r caeau (Cae Clover: 3.2Ha ar gyfer 8t DM/Ha ME 12.5) byddai’r cynnydd yn y glaswellt sydd ar gael cyfwerth â 23 o ddefaid ychwanegol/2 fuwch ychwanegol neu 3 T (tua 1T DM/ha = £140.00/ha Mynegai Elw’r Borfa Teagasc) yn fwy o laswellt yn y cae (cyfrifiannell cost chwyn Corteva).

Ebrill 19: Asesiad o lefelau’r dail tafol yn y caeau i’w trin: Yn dilyn yr asesiad cychwynnol, fe wnaethom ni fesur 10 - 20% o orchudd dail tafol. Ar 4 Ebrill, roedd y dail tafol yn rhy fach i’w trin, ond erbyn dechrau Mai, roedden nhw ar y cam datblygiad cywir i’w trin (cam roséd).

Ar ôl cerdded drwy’r caeau gyda agronomegydd y fferm, bûm yn trafod ystod o driniaethau i’w defnyddio fel rhan o’r arbrawf hon. Cafodd y plotiau a’r caeau eu chwistrellu rhwng diwedd Ebrill a dechrau Mai 2019.

Triniaethau:

Byddwn yn ymweld â’r caeau bob 4 wythnos i asesu rheolaeth dail tafol ac yn defnyddio ffotograffau i fonitro faint sy’n marw’n ôl ac yn cymharu effaith y gwahanol driniaethau ac unrhyw effaith ar y meillion sy’n bresennol.