13 Mai 2024
Mae Gŵyl Tyddyn a Chefn Gwlad ar Faes Sioe Frenhinol Cymru, Llanelwedd yn cael ei chynnal ddydd Sadwrn 18 a 19 o Fai 2024, ble y bydd Cyswllt Ffermio’n bresennol i roi cymorth a chyngor i chi. P’un a ydych yn dyfwr tymhorol, yn newydd-ddyfodiaid chwilfrydig, neu’n dymuno ychwanegu ychydig o natur i’ch bywyd yn unig, ni ddylech golli’r digwyddiad hwn.
Bydd Cyswllt Ffermio yng Nghanolfan yr Aelodau yn cynnig cymorth, arweiniad a hyfforddiant i’ch helpu chi gyflawni eich nodau garddwriaethol. Bydd tîm Cyswllt Ffermio’n barod i drafod y rhaglen Arddwriaeth sydd wedi’i hariannu’n llawn ac sydd wedi’i chynllunio i helpu tyfwyr sydd wedi sefydlu a’r rhai sy’n edrych am gyfleoedd arallgyfeirio newydd. Peidiwch â cholli arddangosiad Julie Robinson fore dydd Sul, lle y bydd hi’n plannu basgedi a photiau gyda pherlysiau a ffrwythau bwytadwy bendigedig (tomato a mefus).
Bydd marchnad fywiog yn amgylchynu stondin Cyswllt Ffermio a fydd yn cynnwys gwahanol stondinau marchnad cyffrous.
Yn West Wales Willows, gallwch ddarganfod dros 260 math o helyg, dysgu am y gwahanol ddefnydd ar gyfer helyg a gallwch hyd yn oed gymryd rhan mewn gweithdy gwehyddu cynhaliaeth ar gyfer planhigyn. Mae P&J Plants yn cynnig archwiliad diddorol i fyd planhigion cigysol, gyda detholiad o Sarracenia, Maglau Gwener a mwy yn cael eu harddangos. Bydd yr NPTC yn eich cyflwyno i gyfleoedd cyffrous ym maes garddwriaeth. Gallwch archwilio'r cyrsiau sydd ganddynt i’w cynnig a mynd â phlanhigion sydd wedi’u tyfu gan fyfyrwyr NPTC gartref gyda chi.
Cefnogwch fusnesau amaethyddol lleol yn y digwyddiad. Bydd gan Ardd Farchnad Alfie Dans lysiau tymhorol ffres, bydd Ty Madoc Cider Farm yn rhannu eu gwybodaeth am berlysiau treftadaeth a choed afalau, a bydd Living Simply Lavender yn cynnig cynhyrchion lafant therapiwtig.
Bydd Beltane Blooms a Bloomorium yn cynnwys trefniant hyfryd o dorchau a blodau sych. Bydd ganddynt hyd yn oed arddangosiad ar sut i wneud rhai eich hun. Beth am groesawu harddwch blodau lleol ar stondin Welsh Flower Barrow a Flowers from the Farm. Byddant hefyd yn egluro’r opsiwn ar gyfer archebu blodau drwy’r post ac yn arddangos tusw o flodau wedi’u clymu â llaw.
Peidiwch â cholli’r cyfle i gysylltu â chyd arddwyr brwdfrydig, dysgu gan arbenigwyr a darganfod byd o hyfrydwch blodau ac amaeth.
Ar gyfer unrhyw ymholiadau’n ymwneud â sgiliau a hyfforddiant, bydd staff a darparwyr hyfforddiant yn bresennol yn adeilad Lantra ac yn cynnig arweiniad a chymorth ar sut i gwblhau Cynllun Datblygiad Personol (CDP), modiwlau e-ddysgu ac opsiynau o ran hyfforddiant achrededig. Bydd staff hefyd yn arddangos y system cofnodi Storfa Sgiliau, sef system sy’n cofnodi pob gweithgaredd Cyswllt Ffermio rydych wedi’u cwblhau.
Dros y ddau ddiwrnod, bydd y darparwyr canlynol wrth law i drafod unrhyw ymholiadau’n ymwneud ag hyfforddiant.
- Advanced Training
- IBERS
- Jimmy Hughes Training Ltd
- Coleg Castell-nedd Port Talbot
- Phoenix Training
- Simply the Best Training
- Training for the Future
Bydd nifer o arddangosiadau byw y tu allan i adeilad Lantra dros y ddau ddiwrnod ar blannu llysiau tymhorol a sut i’w coginio.
Am ragor o wybodaeth, ewch i wefan Cyswllt Ffermio www.llyw.cymru/cyswlltffermio neu cysylltwch â’ch Swyddog Datblygu Lleol.