23 Ebrill 2025
Gwahoddir ffermwyr i gyfres o ddigwyddiadau ar y fferm – Her chwyn mewn glaswelltir: Strategaethau i Sicrhau Llwyddiant. Bydd y digwyddiadau hyn sy’n cael eu cynnal mewn 3 lleoliad ledled Cymru gyda Daniel Lievesley o DJL Agriculture, sydd wedi cyrraedd rhestr fer cystadleuaeth agronomegydd cenedlaethol y flwyddyn 2025, yn edrych ar dechnegau ymarferol a datrysiadau hirdymor i sicrhau gwndwn iach a chynhyrchiol.
Ymunwch â Cyswllt Ffermio ar gyfer y digwyddiadau hyn i glywed mwy am bwysigrwydd asesu chwyn mewn glaswelltir, nodi rhywogaethau penodol a phennu pryd mae angen ymyrraeth.
Bydd defnyddio chwynladdwyr yn strategol, deall rôl hanfodol amseru ar gyfer yr effeithlonrwydd gorau posibl, a cyn lleied â phosibl o effaith amgylcheddol gan gynnwys potensial chwistrell newydd sy’n ddiogel ar gyfer meillion hefyd yn cael eu trafod.
Bydd y rhai sy’n bresennol hefyd yn darganfod y buddion ac amseriad priodol ar gyfer technegau rheoli chwyn gwahanol, ac yn dysgu am newidiadau rheoli allweddol i fynd i’r afael â ffactorau sylfaenol sy’n dylanwadu ar dwf chwyn ac i atal problemau yn y dyfodol.
Mae’r digwyddiadau hyn ar y fferm yn cynnig cyfle gwerthfawr i gael cyngor ymarferol ac i rwydweithio â ffermwyr eraill yn yr ardal.
Manylion y digwyddiadau:
Dydd Mercher, 7 Mai 2025, 16:00 - 18:00, Fferm Frowen, Login, SA34 0TP
Dydd Iau, 8 Mai 2025, 16:00 - 18:00, Penmaendyfi, Machynlleth, SY20 9LD
Dydd Iau, 22 Mai 2025, 16:00 - 18:00, Plas Du, Croesoswallt, SY10 0BQ
I neilltuo lle ar y digwyddiadau hyn neu am ragor o wybodaeth, edrychwch ar wefan Cyswllt Ffermio