Agrisgôp yw rhaglen datblygu rheolaeth Cyswllt Ffermio sydd yn newid meddylfryd, agwedd a gallu'r unigolion sy'n ymuno.
Mae Cyswllt Ffermio'n recriwtio rhwydwaith newydd o arweinwyr ar hyn o bryd i sefydlu a hwyluso grwpiau Agrisgôp ledled Cymru.
Rydym yn chwilio am unigolion hunanysgogol sy’n cyfathrebu’n dda. Bydd gennych un ai radd mewn amaeth neu bwnc perthnasol neu o leiaf dair blynedd o brofiad o weithio yn y diwydiant yng Nghymru.
Mae’r Rhaglen Agrisgôp newydd, a fydd yn cael ei gyflwyno o’r 1af o Hydref 2015 yn cynnwys:
- Grwpiau traddodiadol ar lawr gwlad
Bydd y rhain yn dod ag unigolion o’r un anian ynghyd i ddarganfod dulliau newydd neu well o weithio neu ffrydiau incwm newydd.
- Grwpiau themâu
Bydd y rhain yn dod â grŵp o ffermwyr ynghyd sydd eisiau canolbwyntio ar yr un pwnc. Gall hwn amrywio o ddarparu gwerth ychwanegol neu ddarganfod marchnadoedd newydd ar gyfer bridwyr a chynhyrchwyr i wella ansawdd dŵr neu fuddsoddi mewn ynni adnewyddadwy.
- Grwpiau dysgu gweithredol wedi eu harwain gan fusnes
Bydd y rhain yn dod â grŵp o aelodau sy’n dymuno canolbwyntio ar nod neu amcan penodol sy’n ymwneud â’r busnes.
Eich rôl chi fydd recriwtio unigolion o fusnesau fferm a choedwigaeth i ymuno â’ch grŵp, i drefnu cyfarfodydd ac i hwyluso trafodaeth rhwng aelodau a mentoriaid perthnasol eraill er mwyn iddynt allu dysgu trwy broses ‘Dysgu Gweithredol’.
Eich cyfrifoldeb allweddol fydd annog aelodau eich grŵp i groesawu mentergarwch i'w gweithgareddau busnes o ddydd i ddydd ac i ymchwilio neu ddatblygu syniadau busnes newydd.
cysylltiadau ychwanegol