Ymunwch â Cyswllt Ffermio am gyfle i ymweld â’r uned foch ‘porchell i besgi’ newydd yng Nglynllifon ac i ddysgu mwy ynglŷn â gwella perfformiad a chynhyrchiant moch er mwyn sicrhau’r elw gorau.
Yn ogystal ag ymweld â’r cyfleusterau newydd modern, bydd y milfeddyg a’r arbenigwr moch adnabyddus, Bob Stevenson yn trafod bioddiogelwch ac atal clefydau. Bydd David Moorhouse, arbenigwr moch ar ran ADAS hefyd yn bresennol er mwyn edrych ar wella effeithlonrwydd cynhyrchiant yn ogystal â chyfleoedd i newydd ddyfodiaid i’r sector.
Bydd prosiectau newydd Cyswllt Ffermio yng Nglynllifon hefyd yn cael eu trafod, gan edrych yn benodol ar archwilio manteision cofnodi perfformiad moch i wneud penderfyniadau rheolaeth, sy’n rhan o brosiect newydd ar y safle.
Moch Cynhyrchiol - Gwella perfformiad a sicrhau’r elw gorau
Dyddiad: Dydd Iau 24ain Tachwedd 2016
Amser: 11:00 – 15:00
Lleoliad: Coleg Meirion-Dwyfor Glynllifon, Ffordd Clynnog, Caernarfon, LL54 5DU
Croeso cynnes i bawb yn y digwyddiad, ond cofiwch ystyried bioddiogelwch, gan sicrhau eich bod yn gwisgo dillad glân er mwyn mynychu. Bydd oferôls a gorchudd esgidiau tafladwy’n cael eu darparu.
Am fwy o wybodaeth, cysylltwch â Gwawr Llewelyn Hughes ar 07896 996841 gwawr.hughes@menterabusnes.co.uk