Mae sicrhau’r oedran a’r bwlch lloia gorau, ynghyd â sichau iechyd a ffrwythlondeb y fuwch yn rai o'r ffyrdd i wella effeithlonrwydd yn y fuches sugno a all arwain at gynnydd mewn proffidioldeb.
Ymunwch â Cyswllt Ffermio ar Fferm Lan, Cynwyl Elfed, lle bydd Ian Pritchard, SRUC, yn trafod canlyniadau prosiect effeithlonrwydd gwartheg, gan gynnwys data a gasglwyd dros bedwair blynedd ar fferm Lan, a heffrod yn dod â lloi yn ddyflwydd oed. Bydd Helen Scott, o Filfeddygon CVS Vets, Caerfyrddin, yn canolbwyntio ar gynnal effeithlonrwydd atgynhyrchu ynghyd ag effaith gwaredu BVD ar gynhyrchiant anifeiliaid.
Bydd y ffermwr, Phil Jones, hefyd yn arwain trafodaeth ar defnydd dau ddull gwahanol i ganfod buwch sy’n gofyn tarw at ddibenion AI, a bydd cyfle i weld y fuches cyn diddyfnu a chasglu data pellach.
Cynnal Effeithlonrwydd yn y Fuches Sugno
Dydd Mawrth 13eg Rhagfyr
12.30yp-3.30yp
Fferm Lan, Cynwyl Elfed, Sir Gâr SA33 6SP
Croeso i bawb, a darperir cinio wrth i chi gyrraedd. Am fwy o fanylion neu i archebu lle, cysylltwch â Menna Williams ar 01970 631405 neu 07896 837725 menna.williams@menterabusnes.co.uk