Mae sicrhau’r oedran a’r bwlch lloia gorau, ynghyd â sicrhau iechyd a ffrwythlondeb y fuwch yn rai o'r ffyrdd i wella effeithlonrwydd yn y fuches sugno a all arwain at gynnydd mewn proffidioldeb.
Ymunwch â Cyswllt Ffermio mewn tri digwyddiad sy’n gwerthuso dulliau o wella effeithlonrwydd y fuches sugno. Bydd Ian Pritchard, SRUC, yn trafod sicrhau’r maint gorau posib ar gyfer buwch llawn dwf, heffrod yn dod â lloi yn ddyflwydd oed a chanlyniadau’n deillio o'r data a gasglwyd dros bedair blynedd ar Fferm Lan, Cynwyl Elfed - un o Safleoedd Ffocws Cyswllt Ffermio. Bydd cynnal effeithlonrwydd atgynhyrchu ynghyd ag effaith gwaredu BVD ar gynhyrchiant anifeiliaid hefyd yn cael ei amlygu.
Cynnal Effeithlonrwydd yn y Fuches Sugno
- Dydd Llun, 12fed Rhagfyr 2016 7.30yh-9.30yh Afon Veterinary Centre, Llettynedd, Penydre, Castell Nedd, SA11 3HH
- Dydd Mawrth 13eg Rhagfyr 2016 7.30yh-9.30yh Gwesty Maesmawr Hall, Caersws, SY17 5SF
- Dydd Mercher, 14eg Rhagfyr 2016 7.30yh-9.30 Ruthin Farmers Auction Co Ltd. Marchnad Da Byw Dyffryn Clwyd, Parc Glasdir. Rhuthun LL15 1PB
Croeso i bawb. Am fwy o fanylion am y digwyddiadau hyn, cysylltwch â Carys Thomas ar 01970 631402 neu carys.thomas@menterabusnes.co.uk