Mae’r gyfraith Ewropeaidd yn pennu’r isafswm sy’n ofynnol o ran lle i ieir dodwy er mwyn gallu marchnata wyau fel wyau maes. Mae’r rheolau’n gaeth ac yn gallu cael eu gorfodi gan Archwilwyr Marchnata Wyau os bydd cynhyrchwyr wyau yn cadw 350 o adar neu fwy er mwyn cynhyrchu wyau. Mae’r rheolau’n cydbwyso dyletswyddau cynhyrchwyr wyau ac yn diogelu iechyd a hyder y cwsmer yn y statws wyau maes.
Mae diffyg cydymffurfiaeth â’r rheolau’n ddifrifol a gall olygu bod cynhyrchwyr wyau yn agored i’w herlyn. Mewn achos diweddar yn Llys y Goron Abertawe, cafodd ffermwr orchymyn i dalu £84,000 neu wynebu 12 mis yn y carchar am enillion yn deillio o drosedd ynghyd â chostau’r llys o ganlyniad i ddiffyg cydymffurfio â’r rheolau a chyflawni twyll. Ceir gwybodaeth bellach am yr achos yma.
Cadwch at y rheolau
Mae gofynion dwysedd stocio ar gyfer unedau dodwy yn cael eu hamlinellu yn Rheoliadau Lles Anifeiliaid a Ffermir (Lloegr) a (Chymru) 2007. Dan gyfraith yr UE, ni ddylai cynhyrchwyr wyau maes gadw mwy na naw iâr i bob metr sgwâr dan do. Mae’r UE yn caniatáu dwyseddau stocio o hyd at 2,500 o adar/ha yn yr awyr agored, ond mae’r cod Llew yn cyfyngu dwysedd stocio i 2,000 aderyn/ha yn yr awyr agored.
