Gallai gwneud defnydd o’r dechnoleg ddiweddaraf ar gyfer gwerthoedd bridio mewn gwartheg bîff gynhyrchu mwy o garcasau sy’n cyrraedd y safon uchaf posibl a chynyddu elw ar gyfer ffermwyr.
Ymunwch â Cyswllt Ffermio mewn diwrnod agored ar un o’i Safleoedd Ffocws i ddarganfod mwy am ddefnyddio Gwerthoedd Bridio Genomeg (GEBV) yn y sector bîff. Mae gwahaniaeth o oddeutu £100 - £150 am bob carcas o ran gwerth adwerthu wedi cael ei nodi rhwng disgynyddion teirw gyda GEBV uchel a disgynyddion teirw gyda GEBV isel (Mynegai Prisiau Cig).
Bydd Alison Glasgow, Cyfarwyddwr Technegol Cymdeithas Gwartheg Limousin Prydain yn trafod datblygiad a gweithrediad technoleg rhinweddau carcas newydd, a bydd canlyniadau profion DNA 40 anifail yn y fuches Limousin pedigri yn cael eu cyflwyno a’u cymharu gydag allwedd SNP Limousin ar gyfer:
- GEBV pwysau carcas
- GEBV oedran hyd lladd
- GEBV gwerth adwerthu
- GEBV chwe thoriad carcas unigol
- Amrywiadau myostatin (cyhyrau dwbl)
Bydd cysylltiad rhwng Myostatin, nodweddion carcas a rhwyddineb lloea hefyd yn cael eu trafod a bydd cyfle i weld anifeiliaid sy’n cario gwahanol gyfuniadau o nodweddion.
Defnyddio GEBV newydd ar gyfer Nodweddion Carcas mewn systemau cynhyrchu bîff
Dydd Mawrth, 31ain Ionawr 2017
12.30yp-3.30yp
Pencraig, Trelech, Sir Gâr SA33 6RY
Darperir cinio. Am fwy o fanylion ynglŷn â’r digwyddiad neu i archebu lle, cysylltwch â Menna Williams ar 01970 631405 neu 07399 600146 menna.williams@menterabusnes.co.uk